Shyǵys Qazaqstan oblysynyń ákimi taǵaıyndaldy

Foto: gov.kz

Memleket basshysynyń Jarlyǵymen Nurymbet Amanuly Saqtaǵanov Shyǵys Qazaqstan oblysynyń ákimi laýazymyna taǵaıyndaldy, dep habarlaıdy qandastar.kz

Nurymbet Saqtaǵanov 1970 jyly 6 tamyzda dúnıege kelgen.

Bilimi:

Qyzylorda pedagogıkalyq ınstıtýtyn, Qyzylorda agrarlyq-tehnıkalyq kolledjin, MESA dıstanııalyq bilim berý ınstıtýtyn, MESA Qyzylorda ekonomıka, statıstıka jáne aqparat ınstıtýtyn muǵalim, býhgalter, zańger mamandyqtary boıynsha támamdaǵan.

Eńbek joly:

Eńbek jolyn ınstıtýt bitirgennen keıin 1992 jyly Qyzylordadaǵy №172 orta mektepte muǵalim bolyp bastady.

1993-1994 jyldary QR QK qatarynda bolyp, áskerden keıin Qyzylordadaǵy №9 orta mektepte jumysyn jalǵastyrdy.

1995-2001 jyldary Qyzylorda oblysy boıynsha keden basqarmasynyń ınspektory, aǵa ınspektory, bas ınspektory, bólim bastyǵy, bólim bastyǵynyń orynbasary bolyp jumys istedi.

2001-2006 jj — Qazaqstan Respýblıkasy Memlekettik kirister mınıstrligi Keden komıtetiniń bas ınspektory, tóraǵanyń kómekshisi, bólim bastyǵy.

2006-2007 — QR Parlamentindegi Úkimet ókildiginiń bas ınspektory, bólim bastyǵy, QR Ekonomıka jáne bıýdjettik josparlaý mınıstriniń keńesshisi.

2007-2010 jj — Qazaqstan Respýblıkasy Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary.

2010-2012 — Qazaqstan Respýblıkasy Prezıdenti Ákimshiliginiń Memlekettik baqylaý jáne uıymdastyrýshylyq-aýmaqtyq jumys bóliminiń memlekettik ınspektory.

2012-2015 — Shyǵys Qazaqstan oblysy ákiminiń orynbasary.

2015-2018 — Shyǵys Qazaqstan oblysy ákiminiń birinshi orynbasary.

2018-2021 — Shyǵys Qazaqstan oblysy Ulan aýdanynyń ákimi.

2021 jyldyń 25 qańtarynan bastap — Semeı qalasynyń ákimi.