Shyǵys Qazaqstanda depýtat óz ózine qol jumsamaq boldy

Shyǵys Qazaqstan oblysy Tarbaǵataı aýdanynda depýtat óz ózine qol jumsamaq boldy, dep habarlaıdy qandastar.kz  aqparat portaly Kazinform agenttigine silteme jasap.

Kesheli beri áleýmettik jelide Tarbaǵataı aýdandyq máslıhatynyń depýtaty S. Demesinovtyń óz ózine qol jumsamaq bolǵany, aýrýhanaǵa túsip, aman qalǵany týraly aqparat tarap ketti.

— Aýdandyq maslıhat depýtaty S. Demesinov 19 aqpan kúni óz-ózine qol jumsamaq nıette dári-dármek iship aýrýhanaǵa túskeni anyqtaldy. Aýrýhanada densaýlyǵyna qaýipti jaǵdaı bolmaǵandyqtan, psıhıatr dárigerdiń qabyldaýynan keıin úıine qaıtarylǵan, — dep jaýap berdi ákimdikten.

Belgili bolǵandaı, ol 2023 jyldyń naýryz aıynda Qarasý aýyldyq okrýgi boıynsha depýtat bolyp saılanǵan. О́tken jyldyń jeltoqsan aıynda mas kúıde kólik júrgizgeni úshin ákimshilik jaýapkershilikke tartylyp, 17 kúnge ákimshilik qamaqqa alynǵan.

— Sonymen qatar dárigerlerge tekserý kezinde balaǵat sózder aıtqan beınejazbasy BAQ-ta, áleýmettik jelilerde jarııalanǵan bolatyn. Jergilikti atqarýshy bılik organdary tarapynan S. Demesinovke óz-ózine qol jumsaý áreketine deıin ıtermeleıtindeı sebepter, kıkiljińder, qyzmetkerlermen jeke bas aryzdyq jaǵdaılar bolǵan joq, — delingen habarlamada.

Osy rette, oblystyq polıııa departamentimen baılanysqa shyǵyp, atalǵan fakti boıynsha is qozǵalǵan-qozǵalmaǵanyn suradyq.

— Polıııa óz-ózine qol jumsaý faktisi boıynsha qylmystyq is qozǵady. Oqıǵanyń mán-jaıy men sebepterin anyqtaýǵa baǵyttalǵan tergeý jumystary júrgizilýde, — dep habarlady departamenttiń baspasóz qyzmetinen.

Redakııa S. Demesinovtiń ózine de habarlasyp kórdi. Alaıda ol telefonyn kótermedi. Al Tarbaǵataı aýdandyq máslıhatynyń basqa depýtattary suraqtarymyzǵa jaýap berýden bas tartty.