جاڭالىقتار
شىعىس قازاقستاندا زاڭسىز التىن قازعاندار ۇستالدى
فوتو: polisia.kz
شىعىس قازاقستان وبلىسىندا ارنايى تەحنيكامەن زاڭسىز التىن ءوندىرۋ فاكتىسى انىقتالدى, — دەپ حابارلايدى Qandastar.kz.
شقو پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ءوڭىر اۋداندارىنىڭ بىرىندە باعالى پايدالى قازبالاردى زاڭسىز وندىرگەن ادامدار توبىن انىقتادى.
زاڭسىز ارەكەتتەردى تولىق تىركەۋ ماقساتىندا جەدەل ۋاكىلدەر ۇشقىشسىز باسقارىلاتىن ۇشۋ اپپاراتىن پايدالانىپ, زاڭسىز جەر جۇمىستارىن جۇرگىزىلگەن جەردىڭ ناقتى ورنىن انىقتادى.
جەدەل ءىس-شارالار ناتيجەسىندە قۇقىق بۇزۋشىلىق ورنىندا التى ادام ۇستالدى.
تەرگەۋ ارەكەتتەرى بارىسىندا ءبىر ەكسكاۆاتور, ءۇش مەتالل ىزدەگىش قۇرىلعى, ەكى اۆتوكولىك جانە توپىراق ۇلگىلەرى الىندى.
اتالعان فاكتى بويىنشا سوتقا دەيىنگى تەرگەۋ امالدارى باستالدى. جەراستى رەسۋرستارىنا كەلتىرىلگەن زالالدىڭ مولشەرىن انىقتاۋ ءۇشىن ءتيىستى ساراپتاما تاعايىندالدى.
