Shymkent ákimdigi «Ordabasy» klýby men qosalqy komandalaryna taǵy 900 mln bólip otyr

Foto: ashyq derekkóz

Shymkent qalalyq dene shynyqtyrý jáne sport bólimi fýtboldan kezekti tender jarııalady, dep habarlady Qandastar.kz.

Tender somasy – 892,9 mln teńge. «Fýtbol komandalaryn daıyndaý, olardyń jergilikti, respýblıkalyq jáne halyqaralyq jarystarǵa qatysýyn qamtamasyz etý qyzmetterin» oryndaý merzimi – 2024 jyldyń 31 jeltoqsanyna deıin.

Tehnıkalyq sıpattamada kórsetilgendeı, tenderdiń negizgi maqsaty – Shymkent qalasy komandalarynyń 2024 jylǵy maýsymda Qazaqstan Premer-Lıgasy, Qazaqstan Ekinshi lıgasy chempıonattarynda, ÝEFA kýboktarynda, Qazaqstan chempıonatynda balalar men jasóspirimder komandalary arasyndaǵy jáne halyqaralyq týrnırlerde, sondaı-aq fýtzaldan 2024-2025 jylǵy maýsymda Qazaqstan chempıonatynda sátti óner kórsetýi úshin jaǵdaı jasaý.

Qazaqstan fýtbolynyń elıtasynda Shymkentten tek bir ǵana komanda – «Ordabasy» klýby óner kórsetedi. Bir qyzyǵy, el chempıonatynda olardyń ótkizetin bar bolǵany eki-aq oıyny qaldy. Osydan keıin maýsymaralyq úzilis bastalady. Resmı halyqaralyq kezdesý ótkizý de qarastyrylmaǵan.

Degenmen, tehnıkalyq sıpattamada aqylǵa qonbaıtyn eskertýler engizilgen. Mysaly, bólingen qarjyny ákimshilik jáne jattyqtyrýshy personaldy, kásibı fýtbolshylardy ustaýǵa (jalaqy tóleý, járdemaqy, sporttyq, jattyqtyrýshylyq jáne ákimshilik personaldyń issapar shyǵyndary, tóreshiler quramynyń shyǵyndary jáne salyq tóleý, Qazaqstan fýtbol federaııasy, ÝEFA, FIFA jáne basqa da ýákiletti organdar tarapynan salynǵan aıyppuldardy tóleý boıynsha shyǵyndar), Qazaqstan Premer-lıgasynda komandalardyń sátti óner kórsetýi úshin kásibı fýtbolshylarǵa, jattyqtyrýshylar quramyna, ákimshilik-basqarý personalyna yntalandyrý syıaqylaryn tóleý qajet.

Adata.kz aqparatyna súıensek, bıyl «Ordabasy kásipqoı fýtbol klýby» AQ Shymkent qalasynyń dene shynyqtyrý jáne sport basqarmasymen jalpy somasy 5,3 mlrd teńgeni quraıtyn 5 kelisimshart jasasty. Bul bıylǵy maýsymda qalanyń sport qajettilikterine jumsalǵan barlyq bıýdjet qarajatynyń 87,1 paıyzyn quraıdy.

«Ordabasy kásipqoı fýtbol klýbynyń» 2024 jyly jeńip alǵan tenderler tizimi tómendegideı:

1 mlrd teńge – fýtbol komandalaryn daıyndaý jáne olardyń jergilikti, respýblıkalyq jáne halyqaralyq jarystarǵa qatysýyn qamtamasyz etý qyzmetteri.

1,2 mlrd teńge – Shymkent qalasynyń negizgi fýtbol quramyn daıyndaý jáne olardyń 2024 jylǵy ÝEFA Eýropa Lıgasy men ÝEFA Konferenııalar Lıgasyna qatysýyn qamtamasyz etý qyzmetteri.

1,2 mlrd teńge – fýtbol komandalaryn daıyndaý jáne olardyń jergilikti, respýblıkalyq jáne halyqaralyq jarystarǵa qatysýyn qamtamasyz etý qyzmetteri.

1,2 mlrd teńge – fýtbol komandalaryn daıyndaý jáne olardyń jergilikti, respýblıkalyq jarystarǵa qatysýyn qamtamasyz etý qyzmetteri.

700 mln teńge – Shymkent qalasynyń fýtzal komandalaryn daıyndaý jáne olardyń jergilikti, respýblıkalyq jáne halyqaralyq jarystarǵa qatysýyn qamtamasyz etý qyzmetteri.