شىمكەنت اكىمدىگى جاڭا جىلدىق بەزەندىرۋگە قوماقتى قارجى جۇمساماق

شىمكەنت قالاسىنىڭ اكىمدىگى جاڭا جىلدىق بەزەندىرۋگە 80 ميلليون تەڭگە جۇمساماق, دەپ حابارلايدى qandastar.kz

بىلتىر قولدانىلعان زاتتاردى پايدالانعان كۇننىڭ وزىندە جاڭا جىلدىق بەزەندىرۋگە 80 ميلليون تەڭگە جۇمساماق. بۇل تۋرالى قالا اكىمى عابيت سىزدىقبەكوۆ ءمالىم ەتتى. ونىڭ ايتۋىنشا, ءار اۋدانعا مەرەكەلىك بەزەندىرۋ ءۇشىن 16 ملن قاجەت.

«جاڭا جىلدى بەزەندىرۋگە 80 ملن تەڭگە بولىنەدى, بۇل قاراجات بارلىق اۋداندارعا قاراستىرىلعان – ارقايسىسىنا 16 ملن تەڭگەدەن. بىزدە بىلتىرعى شىرشالار مەن اشەكەيلەر بار, سولاردى دا پايدالانامىز», – دەدى سىزدىقبەكوۆ.

سونداي-اق, ول دەمەۋشىلەردىڭ اقشاسىن پايدالانعانى ءۇشىن قوسىمشا مەرەكەلىك شارالار تولەنەتىنىن اتاپ ءوتتى.

وتكەن جىلى شىمكەنتتىڭ بەس اۋدانىندا جاڭا جىلدىق بەزەندىرۋگە 74 ميلليون تەڭگە, مەرەكەلىك شارالارعا 36 ميلليون تەڭگە بولىنگەن ەدى.