شىمكەنت اكىمىنىڭ ورىنباسارى بەردەنوۆكە وق اتقان كۇدىكتىگە قانداي ايىپ تاعىلدى – باس پروكۋراتۋرا ءتۇسىندىردى

فوتو: stan.kz

شىمكەنت اكىمىنىڭ ورىنباسارى رۋسلان بەردەنوۆكە جاسالعان قاستاندىق بويىنشا تەرگەۋدىڭ بارىسىن باس پروكۋراتۋرا ءتۇسىندىردى, دەپ جازدى qandastar.kz

پروكۋراتۋرا ءىس-ماتەريالدارى ەكى باپ بويىنشا قارالىپ جاتقانىن مالىمدەدى. بۇل تۋرالى Stan.kz اقپارات اگەنتتىگى تengrinews.kz پورتالىنا سىلتەمە جاساپ حابارلايدى.

ۆەدومستۆو وكىلدەرى ءىستى شىمكەنت قالاسىنىڭ پوليتسيا دەپارتامەنتى تەرگەپ جاتقانىن حابارلادى. تەرگەۋ قىلمىستىق كودەكسىنىڭ 24-بابى 3-بولىگى (قىلمىستى ىستەۋگە وقتالۋ) جانە 99-بابى 2-بولىگىنىڭ 6-تارماعى (باسقا ادامداردىڭ ومىرىنە قاۋىپتى تاسىلمەن جاسالعان كىسى ولتىرۋگە وقتالۋ) بويىنشا جۇرگىزىلىپ جاتىر.

پروكۋراتۋرا قازىر تەرگەۋ امالدارى جۇرگىزىلىپ جاتقانىن, الايدا زاڭ تالاپتارىنا سايكەس ءىستىڭ ەگجەي-تەگجەيى جاريا ەتىلمەيتىنىن اتاپ ءوتتى.

بۇل رەتتە زاڭگەر ايمان ايسينا قىلمىستىق قۇقىقتاعى “كىسى ولتىرۋگە وقتالۋ” ۇعىمىنىڭ قالاي قولدانىلاتىنىن ءتۇسىندىردى. ونىڭ ايتۋىنشا, كىسى ولتىرۋگە وقتالعان ادامعا ءدال سول كىسى ءولتىرۋ جاساعانداي جازا تاعايىندالادى.

“وقتالۋ قىلمىس تولىق جاسالماسا دا, ول جاي دايىندىقتان اۋىر قىلمىس بولىپ ەسەپتەلەدى. قىلمىستىق كودەكستە وقتالۋ جاساعان ادامعا سول قىلمىس بويىنشا جازا بەلگىلەنەتىنى كورسەتىلگەن. ياعني ەگەر بۇل كىسى ءولتىرۋ بولسا, وندا جاۋاپكەرشىلىك كىسى ءولتىرۋ بابىنا سايكەس بەلگىلەنەدى. وقتالۋ بابى سىلتەمە ارقىلى 99-باپقا تىرەلەدى. سوندىقتان قىلمىس وقتالۋ رەتىندە سارالانسا دا, جازا كىسى ءولتىرۋ بويىنشا قارالادى”, – دەدى ايسينا.

قىلمىستىق كودەكستىڭ 99-بابى 2-بولىگىنە سايكەس كىسى ولتىرگەنى ءۇشىن 15 جىلدان 20 جىلعا دەيىن باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ جازاسى قاراستىرىلعان. سونىمەن قاتار, سوت م ۇلىكتى تاركىلەۋ تۋرالى شەشىم قابىلداۋى مۇمكىن نەمەسە ونسىز شەكتەلۋى مۇمكىن.

اتالعان باپتىڭ 6-تارماعىندا قىلمىس (نەمەسە وسى جاعدايداعىداي قىلمىسقا وقتالۋ) باسقا ادامداردىڭ ومىرىنە قاۋىپ توندىرەتىن تاسىلمەن جاسالعانى كورسەتىلگەن.
ەسكە سالايىق, بۇعان دەيىن شىمكەنت اكىمىنىڭ ورىنباسارى رۋسلان بەردەنوۆتى اتىپ كەتكەنىن جازعان ەدىك. شابۋىلدىڭ الدىن الا سەبەبى رەتىندە بىرنەشە نۇسقا ايتىلدى. ءبىرى رۋسلان بەردەنوۆ شابۋىل جاساعان ادامنىڭ ايەلىنە ءتيىستى دەسە, ەندى ءبىرى بۇل جاعدايدى شىمكەنتتەگى قۇرىلىس سالاسىندا ءتارتىپ ورناتۋمەن بايلانىستىردى.