شىمكەنت: ەسەپشى بالالارعا بولىنگەن قوماقتى قارجىنى جىمقىرعان

فوتو: اشىق دەرەككوز

شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى قالاداعى ءبىر مەكتەپتىڭ باس ەسەپشىسىنە قاتىستى ۇكىم شىعاردى. ول قىلمىستىق كودەكستىڭ 189-بابى 4-بولىگى 2-تارماعى («مەملەكەتكە سەنىپ تاپسىرىلعان اسا ءىرى مولشەردەگى م ۇلىكتى جىمقىرۋ») جانە 218-بابى 3-بولىگى 3-تارماعى («قىلمىستىق جولمەن الىنعان ءىرى مولشەردەگى اقشانى نەمەسە وزگە م ۇلىكتى زاڭداستىرۋ») بويىنشا كىنالى دەپ تانىلىپ, 8 جىلعا باس بوستاندىعىنان ايىرىلدى, دەپ حابارلايدى qandastar.kz

سوت ماتەريالدارىنا سايكەس, ايىپتالۋشى قىزمەت بابىن پايدالانىپ, مەملەكەتكە 451,1 ميلليون تەڭگە كولەمىندە ماتەريالدىق زالال كەلتىرگەن. ول بۇل قاراجاتقا بىرنەشە پاتەر, اۆتوكولىك, جەر تەلىمى مەن باعالى قاعازدار ساتىپ العان.

سوتتالۋشى ءوز كىناسىن تولىق مويىندادى. ۇكىم ازىرگە زاڭدى كۇشىنە ەنگەن جوق.