شىمكەنت قالاسىندا بىرنەشە مەكەمە جانار-جاعارمايدى جوعارى باعادا ساتىپ الماقشى بولعان

ەلىمىزدەگى سوڭعى جاعدايلاردان كەيىن 06.01.2022 ج. قازاقستان رەسپۋبليكاسىەنەرگەتيكا مينيسترلىگى جانار-جاعار مايدىڭ شەكتى باعاسىن بەلگىلەگەن بولاتىن.

اتاپ ايتساق, جانار-جاعار مايدىڭ “اي-92” جانە “اي-93” ماركالارى ءۇشىن ليترىنە 182 تەڭگە, “اي-95” ماركاسى ءۇشىن ءار ليترىنە 215 تەڭگە بەلگىلەندى.

الايدا, شىمكەنت قالاسى دەنساۋلىق ساقتاۋ باسقارماسىنا قاراستى “قالالىق جۇقپالى اۋرۋلار اۋرۋحاناسى” مكقك مەن “م. اۋەزوۆ اتىنداعى وڭتۇستىك قازاقستان ۋنيۆەرسيتەتى” كەاق  جوعارىدا اتالعان زاڭ تالاپتارىن ەسكەرمەي, مەملەكەتتىك ساتىپ الۋ جاريالاعان.

اتالعان زاڭ بۇزۋشىلىقتى “ادىلدىك جولى” رقب شىمكەنت قالاسىنداعى فيليالى سىبايلاس جەمقورلىق مونيتورينگى بارىسىندا انىقتاعان.

— م.اۋەزوۆ اتىنداعى وڭتۇستىك قازاقستان ۋنيۆەرسيتەتى اي-92 ماركالى بەنزيننىڭ ليترىنە 210 تەڭگە, اي-95 ماركالى بەنزيننىڭ ليترىنە 235 تەڭگە بەلگىلەپ, جالپى سوماسى 14 324 900  تەڭگەگە حابارلاما جاريالاسا, شىمكەنت قالاسىنىڭ جۇقپالى اۋرۋلار اۋرۋحاناسى اي-92 ماركالى بەنزين ءۇشىن 185 تەڭگە بەلگىلەپ, 3 829 500 تەڭگەگە ساتىپ الۋدى جوسپارلاعان. وسىلايشا مەملەكەتتىك ساتىپ الۋ بويىنشا حابارلاما جاريالار كەزدە زاڭ نورمالارى ورەسكەل بۇزىلعان.

ءبىزدىڭ تاراپىمىزدان انىقتالعان زاڭ بۇزۋشىلىق تۋرالى قر باسەكەلەستىكتى قورعاۋ جانە دامىتۋ اگەنتتىگىنىڭ شىمكەنت قالاسى بويىنشا دەپارتامەنتىنە حات جولدانعان بولاتىن. بۇگىنگى تاڭدا زاڭ بۇزۋشىلىقتار راستالىپ, مەملەكەتتىك ساتىپ الۋ بويىنشا جاسالعان شارتتاردىڭ كۇشى جويىلعانى جاۋاپ الىپ وتىرمىز, — دەدى ءوز سوزىندە “ادىلدىك جولى” رقب شىمكەنت قالاسىنداعى فيليالىنىڭ باسشىسى ايجان كەسەباەۆا.

سونداي-اق, قوعام وكىلى اتالعان بىرلەستىا تاراپىنان  مەملەكەتتىك ساتىپ الۋ پورتالىندا ساتىپ الۋلارعا ۇنەمى باقىلاۋ جاساپ وتىراتىندارىن ايتتى.