شىمكەنت تۇرعىنى الەۋمەتتىك جەلىدە لوتەرەيا ويناتىپ, 96 ملن تەڭگە جيناعان

فوتو: اشىق دەرەككوز

شىمكەنتتە «Instagram» الەۋمەتتىك جەلىسى ارقىلى زاڭسىز لوتەرەيا ۇيىمداستىرۋ فاكتىسى انىقتالدى.

قالا تۇرعىنى «لوتەرەيالار جانە لوتەرەيا قىزمەتى تۋرالى» زاڭنىڭ تالاپتارىن بۇزا وتىرىپ, ءتيىستى ليتسەنزياسىسىز, زاڭسىز پايدا تابۋ ماقساتىندا 2 اككاۋنتتان تىكەلەي ەفيردە «لوتو»ويناتقانى انىقتالدى.

لوتەرەيا ۇتىسى رەتىندە «Toyota Land Cruiser Prado» ماركالى اۆتوكولىگى, Samsung, IPhone, Redmiسمارتفوندارى, زەرگەرلىك بۇيىمدار جانە تۇرمىستىق تەحنيكا قويىلدى.

اتالعان زاتتار تاركىلەنىپ, زاتتاي دالەلدەمەلەر دەپ تانىلدى.

سونىمەن قاتار, ول لوتەرەيا بيلەتتەرىن ساتۋ بويىنشا بەلسەندى جارنامانى جۇزەگە اسىرعان(1 داناسىن – 5000 تەڭگەگە, 3 دانا – 10000 تەڭگە, 6 دانا – 20000 تەڭگە, 12 دانا – 40000 تەڭگە, 30 دانا – 100000 تەڭگە).

ساتىلعان بيلەتتەردەن تۇسكەن قاراجاتتى ءوزىنىڭ كارت-شوتىنا جانە تۋىستارىنىڭ شوتتارىنا جيناعان.

2023 جىلعى 10 قىركۇيەكتەن 29 قاراشاعا دەيىن ساتىلعان بيلەتتەردەن تۇسكەن قاراجاتتىڭ جالپى سوماسى 96 ملن تەڭگەدەن استى.

سوت ۇكىمىمەن ازامات كىنالى دەپ تانىلىپ, وعان 1 جىلعا باس بوستاندىعىن شەكتەۋ تۇرىندەگى جازا تاعايىندالدى.

سوت ۇكىمى بويىنشا الىنعان زاتتاي دالەلدەمەلەر مەملەكەت كىرىسىنە تاركىلەندى.