شىمكەنت تۇرعىنى تىكەلەي ەفيرگە كىرەمىن دەپ سوتتالىپ كەتتى

شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى جەرگىلىكتى تۇرعىنعا قاتىستى ءىستى قارادى. ەر ادام ونلاين-پلاتفورما ارقىلى ۇلتارالىق ارازدىقتى قوزدىرىپ, ۇگىتتەدى دەپ ايىپتالدى, دەپ حابارلايدى Qandastar.kz.

ءىس ماتەريالىنا سەنسەك, سوتتالۋشى 2025 جىلى ءساۋىر ايىندا ءوز پاراقشاسىندا تىكەلەي ەفيرگە شىققان.

“ترانسلياتسيا بارىسىندا ول وزگە ۇلت وكىلدەرىن قورلايتىن سوزدەر ايتقان. ءىس قىلمىستىق كودەكستىڭ 174-بابىنىڭ 1-بولىگى (ۇلتتىق الاۋىزدىقتى قوزدىرۋ جانە ۇگىتتەۋ) بابى بويىنشا قارالدى”, – دەلىنگەن حابارلامادا.

پروكۋرور سوتتان ونى باس بوستاندىعىنان ايىرۋدى سۇرادى. ال ايىپتالۋشى ءوز كىناسىن مويىنداپ, سوتتان باس بوستاندىعىنان ايىرۋ جازاسىن تاعايىنداماۋدى وتىندى.

سوت ونىڭ كىناسىن مويىنداۋىن جانە ءوز ىسىنە وكىنۋىن جازانى جەڭىلدەتەتىن ءمان-جاي رەتىندە ەسكەردى. سوعان قاراماستان, سوت ايىپتالۋشىعا ەكى جىل التى اي مەرزىمگە كولونياعا قاماۋ جازاسىن تاعايىندادى. ۇكىم ءالى زاڭدى كۇشىنە ەنگەن جوق.