Shymkent turǵyny tikeleı efırge kiremin dep sottalyp ketti

Shymkent qalasynyń qylmystyq ister jónindegi mamandandyrylǵan aýdanaralyq soty jergilikti turǵynǵa qatysty isti qarady. Er adam onlaın-platforma arqyly ultaralyq arazdyqty qozdyryp, úgittedi dep aıyptaldy, dep habarlaıdy Qandastar.kz.

Is materıalyna sensek, sottalýshy 2025 jyly sáýir aıynda óz paraqshasynda tikeleı efırge shyqqan.

“Translıaııa barysynda ol ózge ult ókilderin qorlaıtyn sózder aıtqan. Is qylmystyq kodekstiń 174-babynyń 1-bóligi (Ulttyq alaýyzdyqty qozdyrý jáne úgitteý) baby boıynsha qaraldy”, – delingen habarlamada.

Prokýror sottan ony bas bostandyǵynan aıyrýdy surady. Al aıyptalýshy óz kinásin moıyndap, sottan bas bostandyǵynan aıyrý jazasyn taǵaıyndamaýdy ótindi.

Sot onyń kinásin moıyndaýyn jáne óz isine ókinýin jazany jeńildetetin mán-jaı retinde eskerdi. Soǵan qaramastan, sot aıyptalýshyǵa eki jyl alty aı merzimge kolonııaǵa qamaý jazasyn taǵaıyndady. Úkim áli zańdy kúshine engen joq.