جاڭالىقتار
شىمكەنتتە 15 جانە 16 جاستاعى ەكى قىز سەكسۋالدىق قۇلدىقتا بولعان
شىمكەنتتە ءتارتىپ ساقشىلارى وزدەرىنىڭ ەركىنەن تىس ۇستالىپ, جىنىستىق قۇلدىق ماقساتىندا پايدالانعان كامەلەتكە تولماعان ەكى قىزدى بوستاندىققا شىعاردى, دەپ جازدى Qandastar.kz
بۇل تۋرالى 31 شىلدەدە Otyrar.kz جازدى.
جابىرلەنۋشىلەردى باسپانامەن قامتاماسىز ەتەمىز دەگەن جەلەۋمەن الداۋ ارقىلى جۇمىسقا العان. بوستاندىققا شىققاننان كەيىن 2009 جانە 2010 جىلى تۋعان قىزدار جاستاردى بەيىمدەۋ ورتالىعىنا جىبەرىلگەنىمەن, تەرگەۋ بارىسىندا ولاردىڭ ادام ساۋداسىنىڭ قۇربانى ەكەنى انىقتالدى. اتا-اناسىنىڭ كەلىسىمىمەن كامەلەتكە تولماعان ەكى بالا دا مامانداندىرىلعان مەكەمەگە اۋىستىرىلىپ, ولارعا مەديتسينالىق, پسيحولوگيالىق جانە قۇقىقتىق كومەك كورسەتىلدى.
«ولاردى ب. ەسىمدى ازامات الداپ, باسپانا بەرەمىز دەپ الداپ كەتكەن. العاشىندا قىزدار وزدەرىنىڭ قاناۋدىڭ قۇربانىنا اينالعاندارىن سەزبەگەندە», – دەيدى ورتالىق باسشىسىنىڭ الەۋمەتتىك جۇمىس جونىندەگى ورىنباسارى عاليا مۇتاليەۆا.
ورتالىقتىڭ مالىمەتىنشە, سوڭعى بەس جىلدا ادام ساۋداسىنان زارداپ شەككەن 15 ادام, ونىڭ ىشىندە باسقا ەلدەردىڭ ازاماتتارى دا وڭالتۋ باعدارلاماسى ارقىلى كومەك العان.
«زارداپ شەككەندەر تەك كەدەيلەر نەمەسە جۇمىسسىزدار عانا ەمەس. كوبىنەسە ولار جاقسى ومىرگە دەگەن ۇمتىلىسىنىڭ سالدارىنان وسال جاعدايعا تاپ بولاتىن ءبىلىمدى, الەۋمەتتىك بەيىمدەلگەن ادامدار», – دەدى مۋتاليەۆا.
بۇعان دەيىن تاعى ءبىر وقيعا حابارلانعان بولاتىن. قازاقستان ىشكى ىستەر مينيسترلىگىنىڭ ينتەرپولى كامبودجادا قازاقستاندىق ايەلدىڭ ەڭبەك قۇلدىعىنا جول بەرمەدى.
