Shymkentte 15 jáne 16 jastaǵy eki qyz seksýaldyq quldyqta bolǵan

Shymkentte tártip saqshylary ózderiniń erkinen tys ustalyp, jynystyq quldyq maqsatynda paıdalanǵan kámeletke tolmaǵan eki qyzdy bostandyqqa shyǵardy, dep jazdy Qandastar.kz 

Bul týraly 31 shildede Otyrar.kz jazdy.

Jábirlenýshilerdi baspanamen qamtamasyz etemiz degen jeleýmen aldaý arqyly jumysqa alǵan. Bostandyqqa shyqqannan keıin 2009 jáne 2010 jyly týǵan qyzdar Jastardy beıimdeý ortalyǵyna jiberilgenimen, tergeý barysynda olardyń adam saýdasynyń qurbany ekeni anyqtaldy. Ata-anasynyń kelisimimen kámeletke tolmaǵan eki bala da mamandandyrylǵan mekemege aýystyrylyp, olarǵa medıınalyq, psıhologııalyq jáne quqyqtyq kómek kórsetildi.

«Olardy B. esimdi azamat aldap, baspana beremiz dep aldap ketken. Alǵashynda qyzdar ózderiniń qanaýdyń qurbanyna aınalǵandaryn sezbegende», – deıdi ortalyq basshysynyń áleýmettik jumys jónindegi orynbasary Ǵalııa Mútalıeva.

Ortalyqtyń málimetinshe, sońǵy bes jylda adam saýdasynan zardap shekken 15 adam, onyń ishinde basqa elderdiń azamattary da ońaltý baǵdarlamasy arqyly kómek alǵan.

«Zardap shekkender tek kedeıler nemese jumyssyzdar ǵana emes. Kóbinese olar jaqsy ómirge degen umtylysynyń saldarynan osal jaǵdaıǵa tap bolatyn bilimdi, áleýmettik beıimdelgen adamdar», – dedi Mýtalıeva.

Buǵan deıin taǵy bir oqıǵa habarlanǵan bolatyn. Qazaqstan Ishki ister mınıstrliginiń Interpoly Kambodjada qazaqstandyq áıeldiń eńbek quldyǵyna jol bermedi.