ءبىلىمجاڭالىقتار
شىمكەنتتە 15 جاستاعى وقۋشى قىزدار بودي ماسساج قىزمەتىن كورسەتكەن
فوتو; ۆيدەودان كادر
ءجاسوسپىرىمنىڭ اناسى كامەلەتكە تولماعان قىزىنىڭ «جۇمىسى» تۋرالى سىنىپتاسىنان بىلگەن. بويجەتكەن قوسىمشا تابىس تاپقىسى كەلىپ, ماسساج جاساۋ قىزمەتىن كورسەتۋگە كەلىسكەن, بىراق سونىڭ كەسىرىنەن اناسى قازىر اتا-انا قۇقىعىنان ايىرىلۋ الدىندا تۇر, – دەپ حابارلايدى qandastar.kz.
شاراسىز ايەل Koremiz باعدارلاماسىنا جۇگىنىپ, جاعدايدىڭ ءمان-جايىن ايتقان بولاتىن. ايتۋىنشا, ءوزى گاز مەكەمەسىندە جۇمىس ىستەپ, تەحنيكانىڭ قاۋىپسىزدىگىن تەكسەرەدى. ءۇش بالاسى بار, ايەل ولاردى ءوزى تاربيەلەپ, قولدان كەلگەنشە جەتكىزىپ كەلەدى. مىنا وقيعانى ەستىگەن سوڭ توبە شاشى تىك تۇرىپ, قىزىن سوققىعا جىققانىن دا جاسىرمايدى.
اقيقاتتى بىلگەن انا بىردەن قۇقىق قورعاۋ ورگاندارىنا حابارلاسىپ, قىزمەت ۇسىناتىن تۇرعىن ۇيگە جەتكەن. ول كەزدە پاتەردە قىزمەتشى قىزدار مەن تاعى ءبىر ماس كليەنت بولىپتى.
بۇل وقيعاعا جالپى ءۇش كامەلەتكە تولماعان وقۋشىنىڭ قاتىسى بار بولىپ شىقتى. بەلگىلى بولعانداي, ءۇشىنشى ءجاسوسپىرىم وسى جۇمىستى تاپقان, الايدا ونى قابىلداماعان. سوڭىندا ول الگى قىزدىڭ اتا-اناسىنا حابار بەرىپ, شىندىقتى جايىپ سالعانى انىقتالدى.
ءجاسوسپىرىمنىڭ ايتۋىنشا, كوپ اقشاعا كەنەلمەگەن. كانيكۋل ۋاقىتىندا قوسىمشا تابىس تاپقىسى كەلگەنىن ايتادى.
«ءبىرىنشى جۇمىس كۇنىمدە 2 كليەنت كەلدى. ۇلتى – وزبەكتەر. ەندى عانا ماسساج جاساۋعا كىرىسكەنىمدە ماعان تيىسە باستادى. قورىققانىمنان قاشتىم, بودي ماسساجدىڭ نە ەكەنىن تولىق بىلمەيمىن», – دەيدى مەكتەپ وقۋشىسى.
مۇعالىمدەردىڭ ايتۋىنشا, قىزداردىڭ وقۋ ۇلگەرىمى جاقسى, ساباقتان قالماعان. قازىر شىمكەنت پروكۋراتۋراسى قر قىلمىستىق كودەكسىنىڭ «كامەلەتكە تولماعانداردى جەزوكشەلىكپەن اينالىسۋعا تارتۋ» بابى بويىنشا تەرگەۋ ءجۇرىپ جاتقانىن مالىمدەدى.
