Shymkentte 15 jastaǵy oqýshy qyzdar bodı massaj qyzmetin kórsetken

Foto; vıdeodan kadr

Jasóspirimniń anasy kámeletke tolmaǵan qyzynyń «jumysy» týraly synyptasynan bilgen. Boıjetken qosymsha tabys tapqysy kelip, massaj jasaý qyzmetin kórsetýge kelisken, biraq sonyń kesirinen anasy qazir ata-ana quqyǵynan aıyrylý aldynda tur, – dep habarlaıdy qandastar.kz.

Sharasyz áıel Koremiz baǵdarlamasyna júginip, jaǵdaıdyń mán-jaıyn aıtqan bolatyn. Aıtýynsha, ózi gaz mekemesinde jumys istep, tehnıkanyń qaýipsizdigin tekseredi. Úsh balasy bar, áıel olardy ózi tárbıelep,  qoldan kelgenshe jetkizip keledi. Myna oqıǵany estigen soń tóbe shashy tik turyp, qyzyn soqqyǵa jyqqanyn da jasyrmaıdy.

Aqıqatty bilgen ana birden quqyq qorǵaý organdaryna habarlasyp, qyzmet usynatyn turǵyn úıge jetken. Ol kezde páterde qyzmetshi qyzdar men taǵy bir mas klıent bolypty.

Bul oqıǵaǵa jalpy úsh kámeletke tolmaǵan oqýshynyń qatysy bar bolyp shyqty. Belgili bolǵandaı, úshinshi jasóspirim osy jumysty tapqan, alaıda ony qabyldamaǵan. Sońynda ol álgi qyzdyń ata-anasyna habar berip, shyndyqty jaıyp salǵany anyqtaldy.

Jasóspirimniń aıtýynsha, kóp aqshaǵa kenelmegen. Kanıkýl ýaqytynda qosymsha tabys tapqysy kelgenin aıtady.

«Birinshi jumys kúnimde 2 klıent keldi. Ulty – ózbekter. Endi ǵana massaj jasaýǵa kiriskenimde maǵan tıise bastady. Qoryqqanymnan qashtym, bodı massajdyń ne ekenin tolyq bilmeımin», – deıdi mektep oqýshysy.

Muǵalimderdiń aıtýynsha, qyzdardyń oqý úlgerimi jaqsy, sabaqtan qalmaǵan. Qazir Shymkent prokýratýrasy QR Qylmystyq kodeksiniń «Kámeletke tolmaǵandardy jezókshelikpen aınalysýǵa tartý» baby boıynsha tergeý júrip jatqanyn málimdedi.