جاڭالىقتار
شىمكەنتتە 370 ميلليون تەڭگە پارا العان پوليتسيا باستىعى ۇستالدى
فوتو: پيسما پرەزيدەنتۋ
الەۋمەتتىك جەلىدە شىمكەنت قالالىق پوليتسيا دەپارتامەنتى قارجىلىق قامتاماسىز ەتۋ ءبولىمىنىڭ باستىعى مەن پوليتسيا اعا لەيتەنانتى ۇستالعانى تۋرالى اقپارات تارادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
جەلىدە تاراعان اقپاراتقا سايكەس, اسا ءىرى كولەمدەگى ۇرلىق جاسادى دەگەن كۇدىككە شىمكەنت قالالىق پوليتسيا دەپارتامەنتى قارجىمەن قامتاماسىز ەتۋ باسقارماسى باستىعى, پوليتسيا پولكوۆنيگى باقتيار بايانوۆ پەن پوليتسيا اعا لەيتەنانتى قۋانىش ابدالين ىلىنگەن. مەملەكەتكە كەلتىرىلگەن شىعىن كولەمى 370 ميلليون تەڭگە.
اتالعان اقپاراتقا قاتىستى ىشكى ىستەر مينيسترلىگى تۇسىنىكتەمە بەردى.
“اتالعان فاكتى بويىنشا ىشكى ىستەر ءمينيسترىنىڭ تاپسىرماسى بويىنشا ىشكى قاۋىپسىزدىك دەپارتامەنتى قىزمەتتىك تەكسەرۋ جۇرگىزدى. ونىڭ قورىتىندىسى بويىنشا قاتاڭ شارالار قابىلدانىپ, كىنالىلەر زاڭعا سايكەس جازالانادى. ىشكى ىستەر مينيسترلىگى كەز كەلگەن قۇقىقبۇزۋشىلىققا توزبەۋشىلىك قاعيداسىن ۇستانادى”, – دەلىنگەن حابارلامادا.
ايتا كەتەيىك, بۇعان دەيىن قوستاناي وبلىسى دەنيسوۆسكي اۋداندىق سوتىندا بىرنەشە رەت الاياقتىق ارەكەتتەرىن جاساعان بۇرىنعى ۋچاسكەلىك پوليتسيا ينسپەكتورىنا قاتىستى قىلمىستىق ءىس قارالعان ەدى.
