ءبىلىم
شىمكەنتتە 5-سىنىپ وقۋشىسى ءوز-وزىنە قول جۇمسادى
فوتو: اشىق دەرەككوز
شىمكەنتتە 5 سىنىپ وقۋشىسى ءوز-وزىنە قول جۇمساپ, قايتىس بولدى, دەپ حابارلايدى qandastar.kz
مەكتەپ باسشىلىعىنىڭ مالىمەتىنشە, وقيعا بالانىڭ ءوز ۇيىندە بولعان. مۇنداي ارەكەتكە بارۋىنا وتباسىلىق جانجال سەبەپ بولۋى مۇمكىن.
Otyrar.kz-ءتىڭ حابارلاۋىنشا, مارقۇم قالاداعى №9 IT ليتسەيىندە ءبىلىم العان. وقيعانى پوليتسيا راستادى, قازىر قىلمىستىق ءىس قوزعالعان.
«كامەلەت جاسقا تولماعان بالانىڭ ءولىمى جايتى بويىنشا پوليتسيامەن قىلمىستىق ءىس قوزعالدى. قازىرگى تاڭدا وقيعانىڭ ءمان-جايىن انىقتاۋعا باعىتتالعان تەرگەۋ ءىس-شارالارىنىڭ كەشەنى جۇرگىزىلىپ جاتىر. قر قپك-ءنىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتۋگە جاتپايدى». شىمكەنت پوليتسيا دەپارتامەنتىنىڭ ءباسپاسوز قىزمەتى
