شىمكەنتتە افريكالىق فۋتبولشى 8 جىلعا سوتتالدى

فوتو: جەلىدەن الىندى

شىمكەنتتەگى قىلمىستىق ىستەر جونىندەگى مامانداندىرىلعان اۋدانارالىق سوت افريكادان كەلگەن فۋتبولشى مبالا بومبا رودجەردى قازاقستان رەسپۋبليكاسىنىڭ قىلمىستىق كودەكسىنىڭ ەسىرتكى اينالىمىنا قاتىستى بابىمەن كىنالى دەپ تانىدى, دەپ حابارلادى Qandastar.kz.

ول ەسىرتكى قۇرالدارىن وتكىزۋ ماقساتىندا زاڭسىز ساقتاۋ, تاسىمالداۋ جانە يەمدەنۋ بويىنشا ايىپتالعان.

سوت شەشىمىمەن رودجەر 8 جىلعا بوستاندىعىنان ايىرىلىپ, جازاسىن قاۋىپسىزدىگى ورتاشا دەڭگەيدەگى تۇزەتۋ مەكەمەسىندە وتەيتىن بولدى.

ايتا كەتۋ كەرەك, سوتتالۋشى تاعىلعان ايىپپەن كەلىسپەيدى جانە ءوز كىناسىن مويىنداماعان.