Shymkentte alty jasar jıenin aıaýsyz óltirgen áıelge qatysty tyń derek shyqty

Foto: vıdeo skrın

Shymkentte alty jasar jıenin óltirgeni úshin aıyptalǵan áıel 20 jylǵa bas bostandyǵynan aıyryldy. Sottyń málimetinshe, ol qyzdy vannadaǵy sýǵa batyryp óltirgen, dep habarlaıdy qandastar.kz

«Tergeý materıaldary boıynsha, 2023 jyldyń maýsym aıynda aıyptalýshy Q. jalǵa alynǵan páterde bolǵan. Ol jıeni, 2018 jyly týǵan E. esimdi qyz balanyń oıanyp, jylaǵanyna ashýlanyp, onyń qoly men aıaǵyn baılap, sabaǵan. Sodan keıin balanyń esinen tanǵanyn kórip, vannany toltyryp, ony sýǵa batyryp jibergen. Osylaısha, ol qasaqana kisi óltirdi dep tanyldy», — dep jazylǵan sot habarlamasynda.

Azattyq Rýhy habarlaǵandaı,   sotta Q-nyń kinási dáleldendi. Prokýror aıyptalýshyǵa Qylmystyq kodekstiń 99-babynyń 3-bólimi boıynsha 20 jylǵa bas bostandyǵynan aıyrýdy surady.

«Jábirlenýshi taraptyń zańdy ókili keshirim berip, Q-ǵa qatań jaza taǵaıyndamaýdy ótingenimen, aıyptalýshy óz kinásin moıyndamady jáne jeńil jaza berýdi surady», — delingen habarlamada.

Sot Q-ny kináli dep taýyp, oǵan 20 jylǵa bas bostandyǵynan aıyrý jazasyn taǵaıyndady. Atalǵan úkim áli zańdy kúshine engen joq.