Shymkentte balabaqsha basshylyǵy qomaqty qarjy jymqyrǵan

Foto: ashyq derekkóz

Shymkent qalasy Ál-Farabı aýdanynyń prokýratýrasy mektepke deıingi uıymdarda balalardyń tirkelgendigi týraly jalǵan málimetterdiń engizilgenin anyqtady, dep jazdy qandastar.kz

Taldaý barysynda memleket bıýdjetinen bólingen 8 mln teńgeden astam soma qarajatyn zańsyz paıdalaný faktileri anyqtaldy.

Atap aıtqanda, «T» jáne «B» jekemenshik mekemeler Bilim basqarmasyna balabaqshaǵa barmaǵan balalardyń bilim alyp jatqandyǵy týraly jalǵan málimetter (óli jandar) usynyp, memleket qarajatyn óz betinshe paıdalanǵan.

Shymkent qalasynyń qylmystyq ister boıynsha aýdanaralyq sotynyń úkimimen balabaqsha quryltaıshylary alaıaqtyq jasaǵandary úshin ártúrli jazalarǵa tartylyp, memleketke keltirilgen zalaldy tolyǵymen qaıtardy.