Shymkentte «Dıkıı Arman» isi boıynsha alty kúdiktige úkim shyqty

Shymkent soty atyshýly qylmys áleminiń serkesi Arman Jumageldıevtiń sybaılastaryna qatysty qylmystyq isti qaraýdy aıaqtady. 6 kúdiktige “Dıkıı Arman” qylmystyq tobynyń múshesi dep aıyp taǵyldy,  dep habarlaıdy Qandastar.kz aqparat portaly.

Sottalýshylardyń tórteýi bir jyldan jeti jylǵa deıin sottaldy. Mysaly, Arman Sartaev óz betimen áreket etip, zańsyz bostandyqtan aıyrǵany úshin túrmede 5 jylǵa jýyq jazasyn óteıdi.

Daýr Táýkev bopsalap jáne zańsyz qarý saqtaǵany úshin 7 jylǵa bas bostandyǵynan aıyryldy. Aıdar Orazov — qarý saqtap, tasymaldaǵany úshin 4 jyl, al Ǵalym Ashyrov zańsyz bostandyqtan aıyrǵany úshin 1 jylǵa sottaldy.

Toptyń taǵy bir múshesi — Daýlet Orazbaı 1 jyl shartty jaza aldy. Ol qajetti qorǵanys sheginen asyryp, aýyr dene jaraqatyn keltirgeni úshin jáne adamdy zańsyz bostandyqtan aıyrǵany úshin kináli dep tanyldy.

Altynshy aıyptalýshy — Erasyl Toqtasyn — jábirlenýshimen tatýlasqan soń jaýapkershilikten bosatyldy.

Sotta aıyptalýshylar óz kinásán moıyndady. Sondaı-aq olardyń kinási jasyryn tergeý áreketterimen, saraptama nátıjelerimen jáne ózge de dáleldermen rastaldy. Úkim áli zańdy kúshine engen joq, taraptardyń apellıaııalyq shaǵym berý quqyǵy bar.

Eske salaıyq, Arman Jumageldıev 2022 jylǵy qańtardaǵy jappaı tártipsizdikterge baılanysty 20 jylǵa bas bostandyǵynan aıyrylǵan edi. Qylmys áleminiń serkesi jappaı tártipsizdikterge qatysyp, olardy uıymdastyrǵany, adam urlap, onyń ólimine sebep bolǵany, sondaı-aq adamdy zańsyz bostandyqtan aıyrǵany úshin kináli dep tanyldy. Oǵan 10 jyl boıy qoǵamdyq-saıası jáne pýblııstıkalyq qyzmetpen aınalysýǵa tyıym salyndy.