دەنساۋلىقجاڭالىقتار
شىمكەنتتە فرانتسيالىق بوكسشىعا شۇعىل وتا جاسالدى
شىمكەنت قالالىق №1 كلينيكالىق اۋرۋحاناسىندا فرانتسيا ازاماتى, كاسىبي بوكسشى Klaus Demeri-گە شۇعىل وتا جاسالدى, دەپ حابارلايدى Qandastar.kz
سپورتشى جارىس كەزىندە جاراقات الىپ, جەدەل تۇردە مەديتسينالىق مەكەمەگە جەتكىزىلگەن. دارىگەرلەردىڭ تەكسەرۋى بارىسىندا ناۋقاسقا «سىرتقى مۇرىن سۇيەكتەرىنىڭ جابىق سىنىعى, سول جاق گايمور قۋىسىنىڭ وربيتالىق قابىرعاسىنىڭ ىعىسقان سىنۋى, كوز الماسىنىڭ جۇمساق تىندەرىنىڭ گايمور قۋىسىنا تۇسۋىمەن قاتار جۇرەتىن جاراقات» دەگەن كۇردەلى دياگنوز قويىلدى.
«پاتسيەنت دەرەۋ لور بولىمشەسىنە جاتقىزىلىپ, سۇيەك سىنىقتارىن رەپوزيتسيالاۋ جانە ەندوسكوپيالىق باللونوپلاستيكا وتاسى جاسالدى. حيرۋرگيالىق وتا ءساتتى اياقتالىپ, بوكسشى بەسىنشى تاۋلىكتە قاناعاتتانارلىق جاعدايدا اۋرۋحانادان شىعارىلدى. شەتەلدىك سپورتشى اق حالاتتى ابزال جاندارعا ەرەكشە العىسىن ءبىلدىرىپ, شىمكەنت مەديتسيناسىنىڭ كاسىبي دەڭگەيىنە جوعارى باعا بەردى», – دەلىنگەن شىمكەنت قالاسى دەنساۋلىق ساقتاۋ باسقارماسى تاراتقان اقپاراتتا.
