جاڭالىقتار
شىمكەنتتە ىزدەۋ جاريالانعان ەكس-دەپۋتات قولعا ءتۇستى
ىزدەۋ جاريالانعان شىمكەنتتىڭ بۇرىنعى ءماسليحات دەپۋتاتى قۋانىش داۋلەتاليەۆ تابىلىپ, سوت وتىرىسىنا جەتكىزىلدى, دەپ حابارلايدى Qandastar.kz.
بۇل تۋرالى Stan.kz اقپارات اگەنتتىگى جازدى.
قالالىق پوليتسيا دەپارتامەنتىنىڭ مالىمەتىنشە, داۋلەتاليەۆ سوت وتىرىسىنىڭ كۇنى مەن ۋاقىتى تۋرالى ەسكەرتۋدى ەلەمەگەندىكتەن, سوت ونى ماجبۇرلەپ جەتكىزۋ تۋرالى قاۋلى شىعاردى. سوتتا وعان قاتىستى قورلاۋ دەرەگى بويىنشا ارىز قارالدى.
«اتالعان قاۋلىنىڭ ورىندالۋىن باقىلاۋ تۇران اۋداندىق پوليتسيا باسقارماسىنىڭ قىزمەتكەرلەرىنە جۇكتەلدى. ازامات انىقتالىپ, سوتقا جەتكىزىلدى», — دەلىنگەن شىمكەنت قالالىق پوليتسيا دەپارتامەنتى حابارلاماسىندا.
ايتا كەتەيىك, بۇدان بۇرىن شىمكەنتتە ءماسليحاتتىڭ بۇرىنعى دەپۋتاتىنا ىزدەۋ جاريالانعان بولاتىن.
