Jańalyqtar
Shymkentte qyzdy kıimi úshin kólik júrgizý emtıhanyna jibermeı qoıǵan
Foto: ashyq derekkóz
Shymkentte qyzdy kıimine baılanysty júrgizýshi kýáligine emtıhan tapsyrýǵa jibermeı qoıǵan, – dep habarlaıdy Tengrinews.kz tilshisi.
Jelide praktıkalyq emtıhandy tapsyrýǵa ishkóılek kıip kelgenin, osyǵan baılanysty oǵan emtıhandy tapsyrýǵa ruqsat etilmegenin aıtqan qyzdyń vıdeosy paıda boldy. Jaǵdaıdy qyzyna ústindegi fýtbolkasyn sheship bergen ákesi qutqardy.
Biz vıdeo avtorymen baılanysqa shyqtyq. Ol ózine emtıhan tapsyrýǵa ruqsat etilmegenin túsindirdi, óıtkeni júrgizýshi kýáliginiń fotosýreti «úılespeıtin syrt kelbetke baılanysty» túsirilmedi.
«Men praktıkalyq emtıhanǵa keldim. Olar meni júrgizýshi kýáligi úshin sýretke túsirgisi keldi. Meniń ıyǵym ashyq bolǵandyqtan, avto HQKO qyzmetkeri «emtıhanǵa kirýge ruqsat etilmeıdi» dedi. Men ne isteý keregin bilmedim, sosyn ákeme júgindim, ol maǵan óz fýtbolkasyn sheship berdi», – dedi Aıda Taýbaeva.
Biz «Azamattarǵa arnalǵan úkimet» saıtynda jeke basyn kýálandyratyn qujattardy resimdeý kezinde fotosýretterge qoıylatyn talaptardy tekserdik. Alaıda kıimge qatań talap bolǵan joq.
Negizgi talaptar bettiń ornalasýyna qatysty – sýretke túsýshi beıtarap mımıkamen jáne jabyq aýzymen kameraǵa tikeleı qaraýy kerek. Kóz syqsımaýy, adyraımaýy qajet, kúlimsireýge bolmaıdy. Sondaı-aq, bettiń ashyqtyq dárejesine qoıylatyn talaptar bar, shash kózdi jappaýy kerek, kúnnen qorǵaıtyn nemese shaǵylystyratyn kózildirik bolmaýy kerek, al eger kózildirik densaýlyqqa baılanysty bolsa, jaqtaý kózdi jappaýy kerek. Bas kıimderge jol berilmeıdi, dinı nemese medıınalyq sebepter boıynsha bas jabyny erekshelik bolyp tabylady.
Kıimge qoıylatyn talaptar týraly aqparatty naqtylaý úshin biz «Azamattarǵa arnalǵan úkimettiń» baspasóz qyzmetine habarlastyq.
Shymkent qalasy boıynsha Memlekettik korporaııanyń fılıalynda atalǵan derek boıynsha qyzmettik tergeý bastalǵanyn habarlady. Qazirgi ýaqytta qyzdyń emtıhanǵa jiberilmeýiniń naqty sebepteri, sondaı-aq bul jaǵdaıda qandaı erejeler qoldanylǵany belgisiz.
«Júrgizýshi kýáligin alý úshin sýretke túsý rásimine ıyǵy jabyq kıimmen kelý usynylǵan qyzmet alýshyǵa qatysty qyzmettik tergeý júrgiziledi. Arnaıy HQKO mamanynyń kinási anyqtalǵan jaǵdaıda tártiptik sharalar qabyldanady. Bolashaqta mundaı jaǵdaılardy boldyrmaý úshin mamandandyrylǵan HQKO qyzmetkerleri úshin túsindirý jumystary júrgiziledi», – dep ýáde berdi Memlekettik korporaııa.
