شىمكەنتتە ماس ەر ادام اۆتوبۋس جۇرگىزۋشىسىنە شابۋىل جاسادى: ايەل مەرت بولدى

فوتو: otyrar.kz

شىمكەنتتە ماس ەر ادام اۆتوبۋس جۇرگىزۋشىسىنە شابۋىل جاسادى. سققىعا جىعىلعان اۆتوبۋس جۇرگىزۋشىسىنىڭ جاعدايى تۇراقتى. قازىر ستاتسيونارلىق ەم قابىلداپ جاتىر. قوعامدىق كولىك تىزگىنشىسى وقىس وقيعانىڭ ءمان-جايىن ايتىپ بەردى, – دەپ حابارلايدى Massaget.kz ءتىلشىسى otyrar.kz-كە سىلتەمە جاساپ.

جولاۋشى سوققىعا جىققان اۆتوبۋس جۇرگىزۋشىسى قازىر اۋرۋحانادا جاتىر. اتى مەن ءجۇزىن كورسەتپەۋدى وتىنگەن ازامات وقىس وقيعانىڭ اياق استى ورىن العانىن ايتادى. ونىڭ سوزىنشە كۇدىكتى بۇعان دەيىن دە ماس كۇيدە قوعامدىق كولىككە ءمىنىپ, تىزگىنشىلەرگە ءتيىسىپ ءجۇرىپتى. ال كەشە ول جابىرلەنۋشىگە قاتتى سويلەدىڭ دەپ جۇدىرىعىن الا جۇگىرىپتى.

ء«بىر كۇن بۇرىن ول مەنىڭ مارشرۋتىما مىنگەن ەدى. كەرەمەتتەن ءتۇسىپ قالدى. قولىندا اراعى بار ەدى. ەرتەسىنە مەشىت جاقتان قايتا ءمىندى. ءمىندى دە جانىما وتىردى. سايرامعا كەلگەنگە دەيىن تىنىش وتىردى نەگىزى . كەيىن باستادى عوي. ارامىزدا قاتتى ايقاي, شۋ دا بولعان جوق. «نەگە قاتتى سويلەيسىڭ?» دەيدى. مەن تۇسكەن ادامعا قاتتى سويلەگەن جوقپىن, تەز ءتۇسىپ قالدىڭىز دەگەنمىن. كەلىپ بوقتادى. «نەگە بوقتايسىڭ?» دەگەن كەزدە كەلدى دا ۇردى. مۇرنىم قانادى. كوزىم قاراۋىتىپ كەتتى. اۆتوبۋستى توقتاتىپ تۇرامىن دەگەنشە بىرنەشە سوققى بەرىپ تاستادى», – دەيدى اۆتوبۋس جۇرگىزۋشىسى.

ناۋقاسقا دارىگەرلەر جابىق باس ميىنىڭ شايقالۋى جانە بەتتىڭ جۇمساق ءتىنىنىڭ زاقىمدانۋى دەگەن دياگنوز قويعان. قازىر تۇرعىن ستاتسيونارلىق ەم قابىلداپ جاتىر.

«15 تامىز كۇنى جەدەل جاردەممەن كەلىپ ءتۇسدى. قابىلداۋ بولىمىندە نەيرەحيرۋرگتەر كومەك كورسەتتى. تەكسەرۋ بارىسىندا باس ميىنىڭ جاراقاتى انىقتالعان. قازىر ناۋقاستىڭ جاعدايى تۇراقتى. ەم شاراسىن الىپ بىتكەن سوڭ امبۋلاتوريالىق ەمگە جىبەرىلەدى», – دەيدى نەيروحيرۋرگ بابۋر يۋسۋپوۆ.

ايتا كەتەيىك, وقيعا ورنىندا قاتتى سوققىدان ءبىر ايەل قازا تاپتى. ال كۇدىكتى قاماۋعا الىنىپ, قازىر تەرگەۋ امالدارى جۇرگىزىلىپ جاتىر.