Shymkentte mas er adam avtobýs júrgizýshisine shabýyl jasady: áıel mert boldy

Foto: otyrar.kz

Shymkentte mas er adam avtobýs júrgizýshisine shabýyl jasady. Sqqyǵa jyǵylǵan avtobýs júrgizýshisiniń jaǵdaıy turaqty. Qazir staıonarlyq em qabyldap jatyr. Qoǵamdyq kólik tizginshisi oqys oqıǵanyń mán-jaıyn aıtyp berdi, – dep habarlaıdy Massaget.kz tilshisi otyrar.kz-ke silteme jasap.

Jolaýshy soqqyǵa jyqqan avtobýs júrgizýshisi qazir aýrýhanada jatyr. Aty men júzin kórsetpeýdi ótingen azamat oqys oqıǵanyń aıaq asty oryn alǵanyn aıtady. Onyń sózinshe kúdikti buǵan deıin de mas kúıde qoǵamdyq kólikke minip, tizginshilerge tıisip júripti. Al keshe ol jábirlenýshige qatty sóılediń dep judyryǵyn ala júgiripti.

«Bir kún buryn ol meniń marshrýtyma mingen edi. Keremetten túsip qaldy. Qolynda araǵy bar edi. Ertesine meshit jaqtan qaıta mindi. Mindi de janyma otyrdy. Saıramǵa kelgenge deıin tynysh otyrdy negizi . Keıin bastady ǵoı. Aramyzda qatty aıqaı, shý da bolǵan joq. «Nege qatty sóıleısiń?» deıdi. Men túsken adamǵa qatty sóılegen joqpyn, tez túsip qaldyńyz degenmin. Kelip boqtady. «Nege boqtaısyń?» degen kezde keldi da urdy. Murnym qanady. Kózim qaraýytyp ketti. Avtobýsty toqtatyp turamyn degenshe birneshe soqqy berip tastady», – deıdi avtobýs júrgizýshisi.

Naýqasqa dárigerler jabyq bas mıynyń shaıqalýy jáne bettiń jumsaq tininiń zaqymdanýy degen dıagnoz qoıǵan. Qazir turǵyn staıonarlyq em qabyldap jatyr.

«15 tamyz kúni jedel járdemmen kelip túsdi. Qabyldaý bóliminde neırehırýrgter kómek kórsetti. Tekserý barysynda bas mıynyń jaraqaty anyqtalǵan. Qazir naýqastyń jaǵdaıy turaqty. Em sharasyn alyp bitken soń ambýlatorııalyq emge jiberiledi», – deıdi neırohırýrg Babýr Iýsýpov.

Aıta keteıik, oqıǵa ornynda qatty soqqydan bir áıel qaza tapty. Al kúdikti qamaýǵa alynyp, qazir tergeý amaldary júrgizilip jatyr.