شىمكەنتتە پوليتسيا قىزمەتكەرى تۇتقىن ايەلدى زورلاعان

شىمكەنتتە جەدەل ۋاكىل تۇرمەدە وتىرعان ايەلدى زورلاعانى ءۇشىن سوتتالدى. بۇل تۋرالى Qandastar.kz سايتى Stan.kz اقپارات اگەنتتىگىنە سىلتەمە جاساپ حابارلايدى.

ايىپتاۋ نۇسقاسىنا سايكەس, 2024 جىلدىڭ قىركۇيەگىندە ايىپتالۋشى جابىرلەنۋشىنىڭ كامەراسىنا كىرىپ, اناسىنا قوڭىراۋ شالۋعا اپارامىن دەگەن سىلتاۋمەن ونى قويماعا اپارعان. سول جەردە جابىرلەنۋشىنىڭ قارسىلاسۋىنا قاراماستان ايەلدى زورلاعان.

انىقتالعانداي, جابىرلەنۋشى ايەل بولعان جاعداي تۋرالى بىردەن حابارلاماعان. الايدا 2024 جىلدىڭ قازان ايىندا شىمكەنتتەگى قاج مەكەمەسىندە مەديتسينالىق تەكسەرۋ كەزىندە ايەلدىڭ ەرتە جۇكتىلىگى انىقتالىپ, بۇل جاعداي ارنايى تەكسەرىس جۇرگىزۋگە سەبەپ بولعان.