Shymkentte psıhıkalyq aýytqýyna qaramastan avtobýs tizgindegen júrgizýshiler anyqtaldy

Foto: ashyq derekkóz

Shaharda psıhıkalyq dıspanserde tirkeýde tursa da, kólik tizgindeýden qoryqpaǵan myńnan asa azamat qolǵa tústi. Aýytqýshylyǵynyń baryna qaramastan rólge otyrǵandar jurtqa kesirin tıgizip te úlgergen. Jergilikti prokýratýra qyzmetiniń málimetine súıensek, byltyr 1300 ret ereje buzyp, 28 jol-kólik oqıǵasyna kináli bolǵan, – dep habarlaıdy Aikyn.kz saıty almaty.tv-ge silteme jasap.

Zańdy bir shetke ysyryp, ózgeniń ómirine salǵyrt qaraǵan júrgizýshilerdiń kýáligin jaramsyz etý qolǵa alyndy.

– Sotqa talap-aryz berilip, 200-den astam adamnyń júrgizýshi kýáligine shekteý qoıyldy. Bul kisilerdiń medıınalyq qarsy kórsetilimi bola tura, júrgizýshi kýáligin alýy qaýipti ekenin atap ótemiz. 2023 jyly qadaǵalaý aktisi engizilgen. Sotta is qaralyp jatyr, – dedi qalalyq prokýratýra basqarmasynyń aǵa prokýrory Qalı Beısenov.

Prokýratýranyń deregi boıynsha, Shymkentte narkologııalyq jáne psıhonevrologııalyq esepte turǵan 10 avtobýs júrgizýshileri anyqtalǵan. Sondaı-aq tekserý kezinde 7 azamattyń kýáligi qoǵamdyq kólik tizgindeýge sáıkes kelmeıtini belgigi boldy. Al halyqqa qyzmet kórsetý ortalyǵynyń mamandaryna «azamattar kýálik alarda medıınalyq anyqtamada min bolǵan joq» dep aqtaldy.

– Baǵdarlamada narkologııalyq jáne psıhonevrologııalyq dıspansermen ıntegraııa jasalǵan. Bazada kórsetilgen derekter tekseriledi. Narkologııalyq, psıhonevrologııalyq dıspenserde tirkeýde turǵan jaǵdaıda bazada kórsetilýi tıis, sáıkesinshe ol kisige qyzmet kórsetýdi toqtatamyz, – dedi  №1 Mamandandyrylǵan halyqqa qyzmet kórsetý ortalyǵy bólim basshysynyń orynbasary Farhan Baızıev.

El boıynsha Shymkent jol-kólik apaty jıi bolatyn aýmaqtar arasynda alǵashqy bestikte tur. Bul kórsetkishke úlesin qosqandar qatarynda psıhıkalyq aýytqýyna qaramastan kólik tizgindegen júrgizýshiler de bar. Shaharda aqyl-esiniń aýytqýshylyǵyna baılanysty 12 myń azamat tirkeýde tursa, onyń 1000-nan astamy narkologııalyq dıspanserde em alady.