Shymkentte tárbıeshi belgisiz zatpen balany uryp-soqqan

Shymkenttegi jekemenshik balabaqshalardyń birinde tárbıeshi balalardy uryp-soqqan. Bul týraly vıdeo jelide tarady, dep habarlaıdy KYN.KZ aqparat agenttigi.

Vıdeo avtorynyń habarlaýynsha, oqıǵa Shymkenttegi «Súleımen» jekemenshik balabaqshasynda oryn alǵan.

Beınejazbadan tárbıeshiniń tósekte jatqan balany belgisiz zatpen urǵanyn baıqaýǵa bolady. Ary qaraı balany aıaǵynan ustap, bólmeniń ortasyna súırep aparady. Odan keıin basynan urǵan. Qasynda jatqan bala tóseginen turyp, tárbıeshi uryp jatqan búldirshinge kómektespek bolady. Biraq tárbıeshi ıterip jiberip, tósegine qaıta jatqyzǵan.

Bolǵan jaǵdaıǵa qatysty oqý-aǵartý mınıstrligi tárbıeshiniń jumystan bosatylǵanyn málimdedi.

«Qazir sot-medıınalyq saraptama taǵaıyndaldy. Atalǵan fakti boıynsha tergeý amaldary júrgizilip jatyr. Oqıǵa Oqý-aǵartý mınıstrligi Balalardyń quqyqtaryn qorǵaý komıtetiniń baqylaýynda», – dep habarlady mınıstrlik.