Jańalyqtar
Shymkentte týǵan ápkesiniń balasyn óltirgen áıel sottaldy
Foto: ashyq derekkóz
Jantúrshigerlik oqıǵa Shymkentte 2024 jyly bolǵan. 30 jastaǵy áıel uıqydan jylap oıanǵany úshin 6 jasar qyzdyń aıaq-qolyn baılap, uryp-soqqan, – dep jazdy qandastar.kz
Áıel jerge qulaǵan qyzdy uryp-soǵyp, qorlaǵan. Qatty soqqydan balaqaı esinen tanyp, al áıeldiń aıýandyq áreketi budan ári jalǵasa túsken. Sońynda ol týǵan ápkesiniń balasyn sý toltyrylǵan vannaǵa jatqyzyp, tunshyqtyryp óltirgen.
Aıyptalýshy sotta qasaqana jasaǵan áreketin moıyndamaı, tipti jeńil jaza berýdi suraǵan.
«Prokýror Q.-ǵa 20 jylǵa bas bostandyǵynan aıyrý jazasyn taǵaıyndaýdy surady. Jábirlenýshiniń ókili sottalýshyǵa keshirim bergenin jáne qatań jaza taǵaıyndamaýdy surady. Sottalýshy ózine taǵylǵan aıypty moıyndamaıtynyn jáne jeńil jaza taǵaıyndaýdy surady», – delingen Shymkent qalalyq sotynyń habarlamasynda.
Sot qylmysker áıeldiń jeńildik suraǵan ótinishin qabyldaǵan joq. Oǵan 20 jylǵa bas bostandyǵynan aıyrý jazasy taǵaıyndaldy. Endi ol 50 jasqa deıin jazasyn qatańdyǵy ortasha mekemede óteıdi.
