Shymkentte úshinshi úshem dúnıege keldi

Shymkent qalalyq perzenthanasynda 24 jastaǵy Ferýza Rahımova úshem – eki ul jáne bir qyz bosandy, dep habarlaıdy Qandastar.kz aqparat portaly.

Bul – onyń alǵashqy bosanýy. Sábıler júktiliktiń 31-aptasynda dúnıege kelip, medıınalyq kómekti qajet etti. Qazir olardyń jaǵdaıy turaqty dep baǵalanýda.

Shymkent qalasynyń densaýlyq saqtaý basqarmasynyń baspasóz qyzmetiniń málimetinshe, náresteler týylǵan kezde aýyr jaǵdaıda bolǵan, olar jansaqtaý bóliminde em qabyldap, baqylaýda bolǵan. Olarǵa der kezinde tynys alý apparattarynyń kómegimen qajetti kómek kórsetilgen. Qazir sábılerdiń jaǵdaıy jaqsardy, olar ana sútimen qorektene bastady jáne analarynyń jaǵdaıymen birge jaqsy dep baǵalanýda.

«Medıınalyq personaldyń kásibıliginiń arqasynda balalar qajetti em alyp, salmaq qosyp, ana sútimen emýdi bastady. Qazir ana men sábılerdiń jaǵdaıy turaqty jáne qanaǵattanarlyq», – dep habarlady qalalyq densaýlyq saqtaý basqarmasy.

Jańa týǵan sábılerge Mustafa, Musa jáne Hadııa esimderi berildi. 2025 jyldyń basynan beri Shymkentte 12 648 sábı dúnıege kelgen, olardyń ishinde 149 egiz jáne 3 úshem tirkelgen.