جاڭالىقتار
شىمكەنتتە جالدامالى پاتەردەن ۇندىستاندىق ەكى ستۋدەنتتىڭ ءمايىتى تابىلدى
فوتو: Azattyq Rýhy/اسەت قۇنداقباەۆ
شىمكەنتتە جالدامالى پاتەرلەردىڭ بىرىنەن ۇندىستاندىق ەكى ستۋدەنتتىڭ دەنەسى تابىلدى. شەتەلدىكتەردىڭ ءبىرى 21-دە, ەكىنشىسى 22 جاستا بولعان, دەپ حابارلايدى Azattyq Rýhy جەرگىلىكتى وtyrar.kz-كە سىلتەمە جاساپ.
مارقۇم بولعاندار وڭتۇستىك قازاقستان مەديتسينا اكادەمياسىنىڭ 2-كۋرسىندا وقيدى ەكەن. ولار ءال-فارابي اۋدانىنداعى پاتەردى ءۇش شەتەلدىك ستۋدەنتپەن بىرگە جالعا الىپ تۇرعان.
العاشىندا ەكى جىگىت تابيعي گازدان ۋلانىپ قايتىس بولۋى مۇمكىن دەگەن بولجام جاسالعان. سەبەبى پاتەر ىشىندە گازبەن سۋ جىلىتقىش جانە اس ءۇي پەشى بولعان. بىراق ارنايى ماماندار گاز قۇرىلعىسىنان ەشقانداي اقاۋ تاپپاعان. اتالعان فاكتىنى قالالىق تجد راستادى.
وقيعانىڭ ءمان-جايىن پوليتسيا انىقتايتىن بولادى.
