جاڭالىقتار
شىمكەنتتە جينالىس ۇستىندە ۇستالعان شەنەۋنىك 9 جىلعا سوتتالدى
فوتو: ۆيدەودان كادر
ول شىمكەنت قالاسى تۇرعىن ءۇي باسقارماسى باسشىسىنىڭ ورىنباسارى بولا تۇرا, 2023 جىلى كوپقاباتتى تۇرعىن ۇيلەردىڭ سەيسميكالىق تۇراقتىلىعىنا تەحنيكالىق زەرتتەۋ جۇرگىزۋگە قاتىستى مەملەكەتتىك ساتىپ الۋ شارتتارى بويىنشا ورىندالماعان جۇمىستاردى جانە كوپقاباتتى تۇرعىن ۇيلەردىڭ جوندەۋ جۇمىستارىنا قاتىستى ورىندالماعان جۇمىستاردى قابىلداعان, – دەپ حابارلايدى qandastar.kz
سودان بيۋدجەتتىڭ جالپى 367 ملن تەڭگەسىن سىبايلاسى جەكە كاسىپكەردىڭ كومەگىمەن جىمقىرعان.
كاسىپكەر باسقا تۇلعالاردىڭ اتىنا تىركەلگەن جانە تەندەرلەر بويىنشا جەڭىمپاز بولعان جشس-تەر ارقىلى اقشا الىپ وتىرعان.
شەنەۋنىك بولسا, ءوزىنىڭ اتا-اناسىنىڭ اتىنا تىركەلگەن مونشا سالىپ, وسى ارقىلى قىلمىستىق جولمەن تاپقان اقشانى زاڭداستىرعان.
وسىلايشا, شەنەۋنىك مۇلكىن تاركىلەۋمەن 9 جىلعا, ال كاسىپكەر 8 جىلعا باس بوستاندىعىنان ايىرىلدى.
