شىمكەنتتەگى Auezov University رەكتورى قاماۋعا الىندى

فوتو: اuezov.edu.kz

شىمكەنتتەگى م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ رەكتورى 28,5 ميلليون تەڭگە پارا الدى دەگەن كۇدىككە ءىلىنىپ, قاماۋعا الىندى, دەپ حابارلايدى qandastar.kz Ulysmedia.kz سىلتەمە جاساپ.

بۇل تۋرالى Otyrar تەلەارناسى اقپارات تاراتتى.

“مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ رەكتورى 28,5 ميلليون تەڭگە كولەمىندە پارامەن ۇستالدى”. بۇل اقپارات بۇعان دەيىن الەۋمەتتىك جەلىلەردە تاراعان بولاتىن. سونداي-اق ونداعى مالىمەتتە وقۋ ورداسىنىڭ تاعى ەكى لاۋازىم يەسى مەن ەكى كومپانيا باسشىلارى قاماۋعا الىنعانى ايتىلعان”, دەپ جازدى Otyrar.kz.

سونداي-اق سايتتا شىمكەنت قالاسى بويىنشا ەكونوميكالىق تەرگەپ-تەكسەرۋ دەپارتامەنتىندەگىلەر رەكتوردىڭ ۇستالعانى تۋرالى اقپاراتتى راستاعانى ايتىلعان.

قازىر تەرگەۋ ءجۇرىپ جاتىر. تەرگەۋ قۇپيالىعىنا بايلانىستى دەپارتامەنت باسشىسىنىڭ ورتىنباسارى وزگە اقپاراتتى ايتا المايتىنىن جەتكىزگەن.

شىمكەنت قالاسى بويىنشا ەكونوميكالىق تەرگەپ-تەكسەرۋ دەپارتامەنتى باسشىسىنىڭ ورىنباسارى سانات قۇلباەۆتىڭ ايتۋىنشا, كۇدىكتىلەر مەملەكەتتىك ساتىپ الۋعا قاتىستى قىلمىستىق ءىس بويىنشا تەرگەلىپ جاتىر.

ء“بىزدىڭ اگەنتتىكتەن اقپارات بەرىلىپ جاتىر, سونى وقىپ كورە بەرسەڭىزدەر بولادى. قازىرگى تاڭدا تەرگەۋ امالدارى ءجۇرىپ جاتىر. ءبىز اشىپ ەشتەڭە ايتا المايمىز. بىزدەن باسقا مەكەمەلەر دە سۇراپ جاتىر”, س.قۇلباەۆ.

بۇل اتالعان فاكت بويىنشا سىبايلاس جەمقورلىققا قارسى ءىس-قيمىل اگەنتتىگىنىڭ ينتەرنەتتەگى رەسمي رەسۋرستارىنان ەشقانداي اقپارات كەزىكتىرمەدىك. ال جوعارى وقۋ ورنى باسشىلىق وكىلدەرى دە رەسمي تۇسىنىكتە بەرمەدى.