Shymkenttegi Auezov University rektory qamaýǵa alyndy

Foto: Auezov.edu.kz

Shymkenttegi M.Áýezov atyndaǵy Ońtústik Qazaqstan ýnıversıtetiniń rektory 28,5 mıllıon teńge para aldy degen kúdikke ilinip, qamaýǵa alyndy, dep habarlaıdy qandastar.kz Ulysmedia.kz silteme jasap.

Bul týraly Otyrar telearnasy aqparat taratty.

“Muhtar Áýezov atyndaǵy Ońtústik Qazaqstan ýnıversıtetiniń rektory 28,5 mıllıon teńge kóleminde paramen ustaldy”. Bul aqparat buǵan deıin áleýmettik jelilerde taraǵan bolatyn. Sondaı-aq ondaǵy málimette oqý ordasynyń taǵy eki laýazym ıesi men eki kompanııa basshylary qamaýǵa alynǵany aıtylǵan”, dep jazdy Otyrar.kz.

Sondaı-aq saıtta Shymkent qalasy boıynsha ekonomıkalyq tergep-tekserý departamentindegiler rektordyń ustalǵany týraly aqparatty rastaǵany aıtylǵan.

Qazir tergeý júrip jatyr. Tergeý qupııalyǵyna baılanysty departament basshysynyń ortynbasary ózge aqparatty aıta almaıtynyn jetkizgen.

Shymkent qalasy boıynsha ekonomıkalyq tergep-tekserý departamenti basshysynyń orynbasary Sanat Qulbaevtyń aıtýynsha, kúdiktiler memlekettik satyp alýǵa qatysty qylmystyq is boıynsha tergelip jatyr.

“Bizdiń agenttikten aqparat berilip jatyr, sony oqyp kóre berseńizder bolady. Qazirgi tańda tergeý amaldary júrip jatyr. Biz ashyp eshteńe aıta almaımyz. Bizden basqa mekemeler de surap jatyr”, S.Qulbaev.

Bul atalǵan fakt boıynsha Sybaılas jemqorlyqqa qarsy is-qımyl agenttiginiń ınternettegi resmı resýrstarynan eshqandaı aqparat keziktirmedik. Al joǵary oqý orny basshylyq ókilderi de resmı túsinikte bermedi.