شىمكەنتتەگى پسيحيكالىق دەنساۋلىق ورتالىعىندا ەمدەلۋشى ەكى قىز زورلانعان

فوتو: اشىق دەرەككوز

شىمكەنتتەگى پسيحيكالىق دەنساۋلىق ورتالىعىندا ەمدەلگەن ەكى قىز «مەكەمە قىزمەتكەرلەرى زورلادى» دەپ شاعىمداندى, دەپ حابارلايدى qandastar.kz ازاتتىق راديوسىنا سىلتەمە جاساپ.

ءبىرى — دەپرەسسياعا, ەكىنشىسى شيزوفرەنياعا شالدىققان ەكى ناۋقاستىڭ ءحالى قازىر تىپتەن اۋىر.

“ماعان زورلىق-زومبىلىق كورسەتەدى. ءوزىنىڭ مۇشەسىن شىعارادى. سول كەزدە ء“سىز نە ىستەپ تۇرسىز? ايەل بالا-شاعاڭىز بار ەمەس پا” دەدىم. ءوز ارام ءىسىن اسىرىپ الادى دا تۇك بولماعانداي مەنى بولمەدەن شىعارىپ جىبەرەدى”, — دەيدى ناۋقاستىڭ ءبىرى.

وسى ورتالىقتا ءوزىنىڭ زورلانعانىن ءبىرىنشى بولىپ ايتقان 22 جاستاعى قىز اجىراسقاننان سوڭ اۋىرىپ جاتىپ قالعان ەكەن. دارىگەرلەر دەپرەسسيا دياگنوزىن قويعان. ءسويتىپ ونى شىلدە تامىز ايلارىندا 20 كۇنگە ەمدەلۋگە جىبەرگەن. ول ءوزىن باسپالداق پەن تەلەديدار بولمەسىندە ەكى سانيتاردىڭ بىرنەشە رەت زورلاعانىن ايتتى.

“قارسىلىق كورسەتكەنىمە قاراماي, كۇشپەن كىرگىزەدى. ەكى ەسىك قۇلپىلانادى. بارلىعى جاتىپ قالعان ۋاقىتتا جاسايدى. ىستەرىن ىستەپ بولعان سوڭ “ساعان اتا-اناڭ سەنىڭ سوزىڭە سەنبەيدى. كەيىن اۋىرساڭ وسى جاققا قايتادان جاتاسىڭ” دەيدى. ول دەنەلى كىسى. وعان كۇش كورسەتە المايمىن, شوك بولىپ قالعانمىن”, — دەيدى بويجەتكەن.

بولعان جايتتى 22-دەگى قىز ورتالىقتان شىققان سوڭ اناسىنا ايتقان. «بۇل جاققا ەندى كەلمەيمىن. سانيتارلار مەنى عانا ەمەس, تاعى ءۇش قىزدى زورلادى» دەگەن. اناسى قىزى ايتقان ءۇش قىزدىڭ دا وتباسىن تاۋىپ, سونىڭ بىرەۋى عانا پوليتسياعا ارىز جازۋعا كەلىسكەن. قالعاندارى اشىلىپ سويلەۋدەن باس تارتقان.

“سوڭعى كەزدەرى ول جاتىپ قالدى. نە بولدى دەگەنىمدە ەشتەڭە ايتپادى. تەلەفونىن ۇستاپ بەردى. كەيىن قۇسىپ باستادى. سوڭعى كەزدەرى كۇدىكتەنىپ, ۋزي-گە باردىق. باسىندا سەنبەدىم, باسقا جاققا بارعاندا 10 اپتا 4 كۇن دەپ بەردى”, — دەيدى اناسى.

17 جاستاعى قىزدىڭ اناسى قىزىنىڭ جاعدايىنا جانى اۋىرادى. ايتۋىنشا, بۇل وقيعا تۇندە, ورتالىقتىڭ تەلەديدار بولمەسىندە شاتىر مەن باعاناسىندا قايتالانعان. ءوزىن زورلاعان سانيتارلاردى كورىپ جاتادى ەكەن.

زورلادى دەگەن ەكى سانيتاردىڭ ءبىرى ءوز ەركىمەن جۇمىستان كەتكەن. ەكىنشىسى اقىسىز دەمالىسقا شىعىپتى. پوليتسيا ساراپتاما تاعايىنداپ, قازىر ناتيجەسىن كۇتىپ وتىر. «زورلاۋ» بابىمەن قوزعالعان ىستە ازىرشە كۇدىكتى جوق. سانيتاردىڭ ءبىرى بۇل ورتالىق ون جىلدان بەرى, ەكىنشىسى ەكى جىلدان بەرى ىستەيدى ەكەن. وبلىستىق دەنساۋلىق ساقتاۋ باسقارماسى «بۇرىن مۇنداي بولعان ەمەس» دەيدى.

شىمكەنتتىك پوليتسيا دەپارتامەنتى زورلاۋ بابى بويىنشا قىلمىستىق ءىس تىركەلگەنىن حابارلايدى.