Shymkenttegi psıhıkalyq densaýlyq ortalyǵynda emdelýshi eki qyz zorlanǵan

Foto: ashyq derekkóz

Shymkenttegi psıhıkalyq densaýlyq ortalyǵynda emdelgen eki qyz «mekeme qyzmetkerleri zorlady» dep shaǵymdandy, dep habarlaıdy qandastar.kz Azattyq radıosyna silteme jasap.

Biri — depressııaǵa, ekinshisi shızofrenııaǵa shaldyqqan eki naýqastyń hali qazir tipten aýyr.

“Maǵan zorlyq-zombylyq kórsetedi. О́ziniń múshesin shyǵarady. Sol kezde “siz ne istep tursyz? Áıel bala-shaǵańyz bar emes pa” dedim. О́z aram isin asyryp alady da túk bolmaǵandaı meni bólmeden shyǵaryp jiberedi”, — deıdi naýqastyń biri.

Osy ortalyqta óziniń zorlanǵanyn birinshi bolyp aıtqan 22 jastaǵy qyz ajyrasqannan soń aýyryp jatyp qalǵan eken. Dárigerler depressııa dıagnozyn qoıǵan. Sóıtip ony shilde tamyz aılarynda 20 kúnge emdelýge jibergen. Ol ózin baspaldaq pen teledıdar bólmesinde eki sanıtardyń birneshe ret zorlaǵanyn aıtty.

“Qarsylyq kórsetkenime qaramaı, kúshpen kirgizedi. Eki esik qulpylanady. Barlyǵy jatyp qalǵan ýaqytta jasaıdy. Isterin istep bolǵan soń “saǵan ata-anań seniń sózińe senbeıdi. Keıin aýyrsań osy jaqqa qaıtadan jatasyń” deıdi. Ol deneli kisi. Oǵan kúsh kórsete almaımyn, shok bolyp qalǵanmyn”, — deıdi boıjetken.

Bolǵan jaıtty 22-degi qyz ortalyqtan shyqqan soń anasyna aıtqan. «Bul jaqqa endi kelmeımin. Sanıtarlar meni ǵana emes, taǵy úsh qyzdy zorlady» degen. Anasy qyzy aıtqan úsh qyzdyń da otbasyn taýyp, sonyń bireýi ǵana polıııaǵa aryz jazýǵa kelisken. Qalǵandary ashylyp sóıleýden bas tartqan.

“Sońǵy kezderi ol jatyp qaldy. Ne boldy degenimde eshteńe aıtpady. Telefonyn ustap berdi. Keıin qusyp bastady. Sońǵy kezderi kúdiktenip, ýzı-ge bardyq. Basynda senbedim, basqa jaqqa barǵanda 10 apta 4 kún dep berdi”, — deıdi anasy.

17 jastaǵy qyzdyń anasy qyzynyń jaǵdaıyna jany aýyrady. Aıtýynsha, bul oqıǵa túnde, ortalyqtyń teledıdar bólmesinde shatyr men baǵanasynda qaıtalanǵan. О́zin zorlaǵan sanıtarlardy kórip jatady eken.

Zorlady degen eki sanıtardyń biri óz erkimen jumystan ketken. Ekinshisi aqysyz demalysqa shyǵypty. Polıııa saraptama taǵaıyndap, qazir nátıjesin kútip otyr. «Zorlaý» babymen qozǵalǵan iste ázirshe kúdikti joq. Sanıtardyń biri bul ortalyq on jyldan beri, ekinshisi eki jyldan beri isteıdi eken. Oblystyq densaýlyq saqtaý basqarmasy «buryn mundaı bolǵan emes» deıdi.

Shymkenttik polıııa departamenti zorlaý baby boıynsha qylmystyq is tirkelgenin habarlaıdy.