شىمكەنتتەن ۇرىمشىگە تىكەلەي اۋە رەيسى قوسىلدى

قىتايدىڭ سينتسزيان-ۇيعىر اۆتونوميالىق اۋدانىنىڭ اكىمشىلىك ورتالىعى – ءۇرىمشى قالاسى مەن شىمكەنت قالاسىنىڭ اراسىندا تىكەلەي اۋە قاتىناسى اشىلدى, دەپ حابارلايدى Qandastar.kz.

العاشقى رەيس سول كۇنى-اق ءۇرىمشى قالاسىنداعى تيانشان حالىقارالىق اۋەجايىنان قازاقستاندىق Scat Airlines اۋە كومپانياسىمەن جۇزەگە اسىرىلدى. جاڭا باعىت بويىنشا رەيستەر اپتاسىنا ەكى رەت – سارسەنبى جانە سەنبى كۇندەرى ورىندالادى. ۇشۋ ۋاقىتى – 2 ساعات 20 مينۋت.

ۇرىمشىدەن قازاقستاننىڭ وڭتۇستىگىندەگى كولىك حابتارىنىڭ ءبىرى سانالاتىن شىمكەنتكە كەلگەن جولاۋشىلار وسى اۋە كومپانياسىنىڭ ۇشاقتارىمەن كاير, ستامبۇل, ماسكەۋ جانە باسقا دا قالالارعا جول تارتا الادى.

تيانشان اۋەجايى اكىمشىلىگىنىڭ حابارلاۋىنشا, بۇل اۋە باعىتىنىڭ اشىلۋى بولاشاقتا ەكى ءوڭىر اراسىنداعى ساۋدا, ەكونوميكا, تۋريزم جانە مادەنيەت سالالارىنداعى بايلانىستاردى دامىتۋعا سەپتىگىن تيگىزەدى.