Shymkentten Úrimshige tikeleı áýe reısi qosyldy

Qytaıdyń Sınzıan-Uıǵyr avtonomııalyq aýdanynyń ákimshilik ortalyǵy – Úrimshi qalasy men Shymkent qalasynyń arasynda tikeleı áýe qatynasy ashyldy, dep habarlaıdy Qandastar.kz.

Alǵashqy reıs sol kúni-aq Úrimshi qalasyndaǵy Tıanshan halyqaralyq áýejaıynan qazaqstandyq Scat Airlines áýe kompanııasymen júzege asyryldy. Jańa baǵyt boıynsha reıster aptasyna eki ret – sársenbi jáne senbi kúnderi oryndalady. Ushý ýaqyty – 2 saǵat 20 mınýt.

Úrimshiden Qazaqstannyń ońtústigindegi kólik habtarynyń biri sanalatyn Shymkentke kelgen jolaýshylar osy áýe kompanııasynyń ushaqtarymen Kaır, Stambul, Máskeý jáne basqa da qalalarǵa jol tarta alady.

Tıanshan áýejaıy ákimshiliginiń habarlaýynsha, bul áýe baǵytynyń ashylýy bolashaqta eki óńir arasyndaǵy saýda, ekonomıka, týrızm jáne mádenıet salalaryndaǵy baılanystardy damytýǵa septigin tıgizedi.