Shymkenttik áıel qurbysynyń toıynda páter syılady

Foto:

Foto: vıdeodan kadr

Shymkenttik bloger qurbysynyń toıynda oǵan bir bólmeli páter syılady, – dep habarlaıdy Massaget.kz tilshisi.

Vıdeo bloger Aııa Ájibektiń áleýmettik jelidegi paraqshasynda jarııalandy. Ol stýdent kezinde tanysqan qurbysyna toıǵa syılyq retinde baspananyń kiltin tabystady. Aıtýynsha, qurbysy árdaıym janynda bolyp, qıyn kezeńderde qolǵabys etken.

Bloger aldymen qyzyq úshin qurbysy men kúıeýine túıe júninen tigilgen shulyq, 10 myń teńge qolma-qol aqsha, bir qorap shaı, shemishke, jyldam daıyndalatyn kespe, jeldetkish, altyn bilezik syılady. Sondaı-aq, qurbysy men jubaıynyń eki anasyna altyn júzik taqty.

«Qurbyma toıynda 1 bólmeli páter syıladym. Iá, bul meniń jan qurbym, qurbymnan eshnárse aıamaımyn. Odan bólek, bir jasar qyzyna 1,5 mıllıondyq orıgınal Cartie brendinen bilezik syıladym. Kezinde ekeýimiz Almatynyń Abylaı han atyndaǵy Qazaq halyqaralyq qatynastar jáne álem tilderi ýnıversıtetinde tanystyq. Ásel – men úshin álemniń eshbir baılyǵyna jetpeıtin qymbat jan, allanyń syıy. Meniń tipti bir dana fýtbolka alýǵa aqsham bolmaǵan kezde, ózindegi eń ádemi kıimin berdi. Barar jerim, basar taýym bolmaǵanda meni óz panasyna qýana-qýana aldy. Qolyndaǵy 500 teńgesiniń sońǵy tıynyna deıin menimen bólisti. Ata-anamnyń mahabbaty jetispegen kezde, sol qýysty óziniń ystyq kóńilimen toltyra aldy. Kúıeýimmen ajyrasyp, óz jurtym maǵan «ket» degende, «maǵan kelshi» dep ózinde panalatqan jan qurbym men onyń otbasy. Kezindegi álsiz, júregi jaraly Aııany kórgen, eshkim maǵan senbese de, óziniń senimimen qoldaý bergen jan qurbym! Álemniń qaı jerinde júrsem de, meniń perishterim bar ekenin bilemin. Ol – Ásel. Ásel men úshin jaı ǵana qurby emes, ol – júregimniń ishindegi júregim. Árqashan maǵan qoldaý, demeý bolǵan mundaı jannan eshteńeni aıamaımyn. Barymdy berýge daıynmyn. Búgingi súndet toıynda 1 bólmeli páter syıladym», – dep jazǵan ol.