شىمكەنتتىك شارۋالار كومەك سۇراپ وتىر

بيىل شىمكەنتتە ەگىستىك القاپ 500 گەكتارعا كەمىدى.

سەبەبى شارۋالاردىڭ سالىقتىق بەرەشەگى كوبەيىپ, ەسەپشوتتارى بۇعاتتالعان. سالدارىنان جەڭىلدەتىلگەن جانار-جاعارماي مەن مينەرالدى تىڭايتقىشقا بەرىلەتىن سۋبسيديادان دا قاعىلىپ وتىر. قالا مەگاپوليس مارتەبەسىن العاننان كەيىن جەر سالىعى گەكتارىنا 90 تەڭگەدەن 91 مىڭ تەڭگەگە ءبىر-اق شىعىپ, قوردالانعان قارىز ميللياردتاعان سوماعا جەتكەن. قالا اكىمدىگى سالىقتى تومەندەتۋگە قاتىستى ءماسليحات دەپۋتاتتارىنا ۇسىنىس جاسادى.

بىراق زاڭناما اياسىندا تەك 50%-كە دەيىن تومەندەتۋگە شەشىم قابىلدانعان. ال شارۋالار بۇل جەڭىلدىك تىرلىكتى تىكتەۋگە كومەكتەسە المايدى دەپ وتىر. ماناسباي بەكباۋوۆ, شارۋا قوجالىعىنىڭ توراعاسى: – نە سولياركا الا المايمىز. دارىلەردى دە, نە تەحنيكانى الا المايمىز جاڭارتايىق دەسەك. قازىر تەحنيكاعا دا سۋبسيديا بەرىپ جاتىر 30-35 پايىز. ەسەپشوت جابىق بولعان سوڭ وعان ەشقانداي ارەكەت ەتە المايمىز. جەردەن اڭگىمەنىڭ اشىعىن ايتقاندا قۇتىلا الماي وتىرمىز.

گوس اكتىنى دە الماي وتىرمىز. جانىبەك توعاي, قالالىق اۋىل شارۋاشىلىعى جانە ۆەتەريناريا باسقارماسىنىڭ ءبولىم باسشىسى: – بىراق ونىڭ ءوزى بۇل كىسىلەرگە اۋىر. سوندىقتان بارلىعىن توقتاتىپ, ۇكىمەتكە حات جازدىق. قالا اكىمىنە ءتۇسىندىرىپ ايتىلدى. ەندى بيىل كۇزگە دەيىن شەشىپ, بىرجاقتى ەتۋىمىز كەرەك.