Jańalyqtar

Shymkenttikter 24 kelilik tandyr samsa pisirildi

Foto: ishki saıasat basqarmasy

Shymkent — qonaqjaılyǵymen, dámi til úıirer taǵamdarymen kelgen jandy baýrap alady. Mundaǵy ashananyń sanalýandyǵy — ǵasyrlar boıy qalyptasqan dástúrdiń, túrli mádenıetterdiń toǵysýynyń aıqyn kórinisi. Qazaqtyń darhan kóńili men astyń berekesi ushtasqan bul qalada ár taǵamnyń ózindik tarıhy, ár dámniń ózindik syry bar. Búgin ál-Farabı alańynda ótken merekelik sharada osy bir baı mura taǵy bir márte aıshyqtaldy, dep jazdy qandastar.kz

Barmaǵynan bal tamǵan aspazdar óz ónerlerin ortaǵa salyp, dámdi asty kópshilikke usyndy. Bul is shara kópshiliktiń kóńilinen shyqqan asyǵa kútetin, naǵyz toı-dýman.

2022 jáne 2023 jyldary úlken tabysqa jetken «DámDásTour» festıvali bıyl da óz jalǵasyn taýyp, qalada gastronomııalyq mereke retinde ótti. Búgin festıvalge 50-den astam tamaqtandyrý orny qatysyp, ózderiniń dámdi ári erekshe taǵamdaryn usyndy. Sharaǵa qala ákimi Ǵabıt Syzdyqbekov arnaıy qatysyp, aspazdardyń taǵamdarymen, qolóner sheberleriniń buıymdarymen tanysty.

Bul festıvaldiń basty jańalyǵy salmaǵy 24 keli shyǵatyn tandyr samsanyń daıyndalýy. Bul elimizdegi alǵash ret jasalǵan eń úlken samsa. Bul týraly Qazaqstan rekordtar kitabynyń resmı ókili Baqytjan Sábıtuly aıtty.

— Búgin buryn-sońdy bolmaǵan rekord ornatylyp jatyr. Alyp samsany pisirgen Shymkent — gastronomııanyń astanasy ekenin taǵy bir dáleldep otyr, — deıdi ol.

Al, alyp samsany ázirlegen «Kamal ata» asúıiniń bas aspazy Nemat Narhojaev. Bul taǵamdy ázirleý úshin 2 apta daıyndalǵanyn jáne ońaı bolmaǵanyn aıtady.

— Quramy jáne pisirý tártibin esh ózgertkenimiz joq. Tek kólemin ulǵaıttyq. Qıyn bolǵanyn jasyrmaımyn. Alǵashynda úı jaǵdaıynda 17 keli samsa ázirledik. О́te sátti shyqty. Al kópshilikke usynǵan tandyr samsa 24 keli shyqty, — deıdi bas aspaz.

Festıvalde tek taǵam ǵana emes, sonymen qatar erekshe motosporttyq sharalar da ótti.

Qyrǵyzstan, О́zbekstan, Tájikstan jáne basqa qalalardan motobaıkerler Shymkentke arnaıy kelip, ózderiniń erekshe motosherýin jáne motoshoýyn uıymdastyrdy. Bul sharaǵa 100-den astam motobaıker qatysyp, qala kóshelerimen ózderiniń motoıklderimen sándi sherý jasady. Jıyn barysynda qala turǵyndary men qonaqtary, estrada juldyzdarynyń konerttik baǵdarlamasyn tamashalady. Al jıyn sońynda bolǵan kásibı otshashý men alaý kórinisi qala turǵyndaryna áserli sátter syılady.

 

 

Ilmekter

Osy aıdarda

Dobavıt kommentarıı

Close