Qarjy jáne tólemder
Shymkenttiń ákimi «Ordabasy» klýbyna 1 mıllıard teńgeniń ne úshin bólingenin aıtty
Foto: ashyq derekkóz
Shymkent qalasynyń ákimi Ǵabıt Syzdyqbekov ortalyq kommýnıkaııalar qyzmeti alańynda ótken brıfıngte «Ordabasy» klýbyna ne úshin 1 mıllıard teńgeniń bólingenin aıtty, dep jazady qandastar.kz
Ǵabıt Syzdyqbekovtiń sózinshe, 1 mıllıard teńge jalaqy boıynsha mindettemeni óteý úshin oryndaý úshin bólingen.
«Bizde jyl sońyna deıin jalaqyny tolyqtaı jabýǵa mindetti boldyq, sondyqtan 1 mıllıard teńge bólindi. Ár qarjynyń óz orny bar. Zańdy jolmen bólingen qarajat», — dep aıtty ákim.
Sonymen qatar qala basshysy «Ordabasy» klýbyndaǵy legıonerler máselesi jaıly da túsindirme berdi.
«Klýb legıonerlermen uzaq merzimge kelisimge qol qoıǵan. Kelisimder ÝEFA-da tirkelgen. Kelisimshart talaby boıynsha kórsetilgen jalaqyny sońyna deıin tóleýge mindettelemiz. Tólemegen jaǵdaıda tek «Ordabasy» klýby emes, elimizdiń fýtbol federaııasyna sankııa qoldaný qaýpi boldy. Qazir biraz legıonerler kelisimshart ýaqyty bitkendikten, jumysyn toqtatty. Sondaı-aq óz jastarymyzdy shetelge shyǵaryp, eshqashan bolmaǵan formamen jasaqtadyq. Keler jyly biz basqa óńirler sekildi kózdelgen qarjy bólemiz, odan artyq aqsha bólinbeıdi», – deıdi Ǵabıt Syzdyqbekov.
Aıta keteıik, belgili zańger Aıgúl Orynbek jelidegi paraqshasynda Shymkent ákimdigi «Ordabasy» fýtbol klýbynyń sheteldik oıynshylaryna halyq qarajatynan shamamen 1 mıllıard teńge bólýdi josparlap otyrǵanyn jazǵan edi.
