«Shynaıy aqparat bergenderge 15 mln teńgege deıin syıaqy kózdeledi». Antıkor málimdeme jasady

Endi árbir azamat jemqorlyq faktileri týraly habarlaı alady nemese WhatsApp messendjeri arqyly sybaılas jemqorlyqqa qarsy is-qımyl máseleleri boıynsha keńes ala alady.

«Biz jańa Antıkor 1424 Whatsapp-chat-botynyń iske qosylǵanyn qýanyshpen habarlaımyz. Ol úshin 8 777 000 1424 nómirine habarlama jiberý jetkilikti».Antıkordyń baspasóz qyzmeti

Antıkor 1424 WhatsApp-chat-bot arqyly ne isteýge bolady:

• sybaılas jemqorlyq faktileri týraly habarlaý
• sybaılas jemqorlyqqa qarsy is-qımyl máseleleri boıynsha keńes alý.

Sybaılas jemqorlyq quqyq buzýshylyqtar týraly shynaıy aqparat bergeni úshin 15,7 mln teńgege deıin syıaqy kózdelgen.

Zakon.kz jazǵandaı, Antıkor ótinishtiń tolyq qupııalylyǵyna kepildik beredi. Barlyq habarlamalar mindetti túrde qaralady jáne quqyq buzýshylyqtar anyqtalǵan jaǵdaıda qoldanystaǵy zańnamaǵa sáıkes sharalar qabyldanady.

Alaıda, sybaılas jemqorlyq týraly jalǵan habarlaý qylmystyq jaýaptylyqqa ákelip soǵatynyn eske salamyz.

Buǵan deıin Jetisý oblysyndaǵy aýdandyq sot tóraǵasy sybaılas jemqorlyqqa qatysy bar degen kúdikke ilingeni habarlanǵan.