«Shynaıy mahabbatty armandaımyn»: Baljan Bıdash ózine unaıtyn jigittiń túrin kórsetti

Sahnadan biraz ýaqyt alystap ketken Baljan Bıdash Amerıkadaǵy saıahatynan oralǵan soń Aıkerim Esenálige ashyq suhbat berdi, dep jazdy Qandastar.kz

Ánshi alǵash ret óz qııalyndaǵy er adamnyń beınesin ashyq kórsetti. Baljannyń aıtýynsha, jigitke degen talaby kóp emes, biraq eń bastysy – onyń tabysy ózinikinen joǵary bolýy tıis.

Suhbat barysynda ol kez kelgen boıjetkenniń qııalynda bir ıdeal jigittiń bolatynyn aıtyp, óziniń talǵamyna saı keletin azamattyń naqty fotosyn kórsetti. Kórsetilgen sýrette sheteldik akter jigit beınelengen, ol Baljannyń standarttaryna saı keletin kórinedi.

Sonymen qatar, óner ıesi shynaıy mahabbatty armandaıtynyn jáne ony áli bastan ótkermegenin jetkizdi.

Budan bólek, podkastta Amerıkaǵa jasaǵan sapary týraly aıtyp, shyǵarmashylyqpen aınalysatyn jandarǵa mańyzdy keńes berdi:

“Amerıkaǵa barý bala kezden armanym bolatyn. Sol armanymdy júzege asyrdym. Sol jaqtaǵy deńgeılerdi kórdim. Jalpy, ár shyǵarmashylyq adamyna Amerıkaǵa baryp qaıtýǵa keńes beremin. Sol kezde Qazaqstanda qaı deńgeıde jumys istep júrgenińdi túsinetin bolasyń. Amerıkada júrgende joǵary deńgeıdi sezinesiń, masshtab bar”, – dedi ánshi.