«شىناشاعىن كەسىپ العان»: تارازدا بۇرىنعى پوليتسيا قىزمەتكەرىنىڭ ءمايىتى تابىلدى

فوتو:Kris.P. Taraz

1 ساۋىردە «جەڭىس» ساياباعىنىڭ جانىنداعى الاڭدا ءوتىپ بارا جاتقان ايەلدىڭ كوزىنە ەر ادامنىڭ جانشىلعان دەنەسى تۇسكەن. مارقۇمنىڭ باسى مۇلدە تانىلمايتىنداي كۇيگە تۇسكەن. بۇل تۋرالى qandastar.kz  اقپارات پورتالى Stan.kz-كە سىلتەمە جاساپ حابارلايدى.

قۇقىق قورعاۋ ورگاندارى 44 جاستاعى مارقۇمنىڭ اتى-ءجونى جاندوس س. ەكەنىن انىقتادى. ول – بۇرىنعى پوليتسيا قىزمەتكەرى.

HALYQSTAN مالىمەتىنشە, ەر ادام اجىراسقاننان كەيىن ىشىمدىككە سالىنىپ, ءۇي-كۇيسىز جۇرگەن. جەتى جىلدان بەرى تۇراقتى باسپاناسى بولماعان. ال سوڭعى ۋاقىتتا ىشىمدىككە اۋەس ادامدار جينالاتىن بوس الاڭدا ءجيى ۋاقىت وتكىزگەن.

مارقۇمدى كىم جانە نە ءۇشىن مۇنشالىقتى قاتىگەزدىكپەن ولتىرگەنى تەرگەۋ بارىسىندا انىقتالماق. قاسكوي ونىڭ باسىن جانشىپ قانا قويماي, شىناشاعىن كەسىپ العان. قىلمىس قر قىلمىستىق كودەكسىنىڭ 99-بابى 1-بولىگى (ادام ءولتىرۋ) بويىنشا تەرگەلىپ جاتىر.

ايتا كەتەيىك, بۇعان دەيىن ءبىز تارازدا جالدامالى پاتەردە ۋاكىلەتتى قىزمەتكەردىڭ ءولىمى تۋرالى حابارلاعان ەدىك.