«شىندىق اشىلعان كۇندى كورىپ كەتسەم ەكەن»: ماقپال ءجۇنىسوۆا ەل الدىندا جان سىرىن اقتاردى

فوتو: اشىق دەرەككوز

قر حالىق ءارتىسى ماقپال ءجۇنىسوۆا مارقۇم ساياساتكەر زامانبەك نۇرقادىلوۆتى ەسىنە الدى. بۇل تۋرالى Stan.kz اقپارات اگەنتتىگى حابارلايدى.

ونەر يەسى “وتكەن كۇندەر” انىنە ۆيدەوروليك جاساپ, مارقۇمنىڭ ءجۇرىپ وتكەن جولىنان سىر شەرتتى.

“قانشالىقتى ءىرى تۇلعالى بولعان سايىن جۇرەك جاراسى دا تەرەڭ ءتۇسىپ, جازىلۋى قيىن. جۇرەكتى ءانشى بولعان سوڭ با, ساعىنىشقا تولى اۋەندەرى جانىڭدى اۋىرتادى, جارامىزدىڭ بەتىن تىرنايدى. شىندىق اشىلىپ, جۇك جەڭىلدەيتىن كۇن دە تۋار”, – دەپ جازدى تىڭدارمانى.

حالىق ءارتىسى دە جولداسىنىڭ ولىمىنىڭ قۇپياسىن ءالى كۇنگە دەيىن اشىلماعانى جۇرەككە تيەتىنىن جاسىرمادى.

“سول حايۋانداردىڭ اتىن ايتىپ, حالىققا شىندىعىن اشاتىن كۇندى كورىپ كەتسەم ەكەن. وتكەن كۇن ورالمايدى”, – دەپ جازدى ءانشى.

ەسكە سالايىق, ونەر يەسى قىزى مەرەيدى تۋعان باۋىرىنان اسىراپ العانىن جاريا ەتكەن ەدى.

“شىندىقتى ايتقانىمىزعا مەن دە, مەرەي دە وكىنگەن جوق. بەيشارا قىز ەمەس. ابايلاپ سويلەڭىز. زاكەڭ 18 جاسقا تولعاندا ءوزىم ايتامىن دەگەن. مەن ايتپاسام, ەرتەڭ ءسىز سياقتى باسقا ادامدار ايتىپ قويادى. وداندا ءوز اۋزىمنان ەستىسىن. ءوزىمنىڭ تۋعان باۋىرىمنىڭ قىزىن باۋىرعا باستىق. ەرتەڭ كۇيەۋگە شىعاردا ءوزىنىڭ رۋى مەن تەگىن بىلگەنى دۇرىس”, – دەپ جازعان ەدى حالىق ءارتىسى.