شىندىققا جاناسپايدى»: ساياساتتانۋشى ديماش الجانعا شابۋىل جاساماق بولعاندارعا قاتىستى تىڭ دەرەك شىقتى

بەلگىلى ساياساتتانۋشى ديماش ءالجانوۆ الماتىداعى ءۇيىنىڭ كىرە بەرىسىندە ەكى بەلگىسىز ەر ادامنىڭ وزىنە شابۋىل جاساماق بولعانىن ايتتى,-دەپ حابارلايدى Qandastar.kz

وقيعا 2 شىلدە كۇنى ساعات 03:00 شاماسىندا بولعان.

ءالجانوۆ تۇن جارىمدا ۇيىنە كەلگەندە اۋلاداعى كولىكتەن ەكى ادامنىڭ شىققانىن بايقايدى. ولاردىڭ ءبىرى “بۇل سەنسىڭ بە?” دەپ سۇراعان. ديماش ونىڭ بۇل ساۋالىنا جاۋاپ بەرمەستەن, ۇيىنە قاشىپ كىرىپ كەتكەن. كەيىن پوليتسيا شاقىرعان.

“بۇگىن ساعات 03:00 شاماسىندا ءۇيىمنىڭ كىرە بەرىسىندە ەكى بەلگىسىز ادام ماعان شابۋىلداماق بولدى. كولىكپەن كەلىپ, اۋلادان شىعۋىما توسقاۋىل قويدى. قالا ورتالىعىنداعى اۋلالاردىڭ بىرىنە ماعان شابۋىل جاساۋ ءۇشىن كەلىپ, قاشىپ بارا جاتقان كەزى ەكى بەينەباقىلاۋ كامەراسىنا ءتۇسىپ قالعان. اۋلاداعى باسقا كامەرالار ىستەمەيتىن بولىپ شىقتى”, – دەپ جازدى ديماش ءالجانوۆ ءوزىنىڭ Instagram-داعى پاراقشاسىندا.

كۇدىكتىلەردى پوليتسيا ءىزىن سۋىتپاي تاپتى. ءبىرى تۇركىستان وبلىسىنىڭ تۋماسى 21 جاستاعى مەيىربەك قۇدايبەردى. ول پوليتسياعا تۇركىستاننان الماتىعا تاكسيست بولۋ ءۇشىن كەلگەنىن, اراسىندا تاپسىرىستاردى تاسيتىنىن ايتقان. بىر اپتا بۇرىن ول «فورۆارد يندۋستري» جشس-نەن كولىك جالداپ, 21 جاستاعى باقداۋلەت سەيىتجانمەن بىرگە الماتىعا جولعا شىققان. ەكەۋىنىڭ دە بۇرىن سوتتالماعىنى انىقتالدى.

تەرگەۋشى ولاردىڭ “ياندەكستىڭ” قاراپايىم كۋرەر بولىپ جۇمىس ىستەيتىنىن, سول ءتۇنى تاپسىرىستى شاتاستىرىپ, اۋىستىرۋعا كەلگەنىن ايتتى. مەيىربەك قۇدايبەردى كورشى ۇيگە “وتريۆين” تامشىسىن اكەلىپ, سالەمدەمەلەردى شاتاستىرىپ العان. ءسويتىپ باقداۋلەت ەكەۋى تاۋاردى قابىلداپ الاتىن ادامدى ىزدەگەن. ءالجانوۆتى كورگەن مەيىربەك «سەنسىڭ بە?» دەپ سۇراعاندا ديماش قاشىپ كەتكەن.

كوزاچكوۆ Telegram-ارناسىنىڭ مالىمەتىنشە, پوليتسيا جىگىتتەردىڭ ايتقان نۇسقاسىن راسادى. بىرىنشىدەن, كورشىلەردىڭ ءبىرى “وتريۆين” تامشىسىنا تاپسىرىس بەرگەن. ەكىنشىدەن, تاكسي كومپانياسى كولىكتى 13 مىڭ تەڭگەگە جالعا العانىن راستادى. ۇشىنشىدەن, سول ءتۇنى اتالمىش كولىك “ياندەكسپەن” تاۋار جەتكىزگەن. سوندىقتان پوليتسيا جىگىتتەر سول ءتۇنى ديماش الجانوۆقا شابۋىل جاساۋ دەرەگى راستالمادى دەگەن قورىتىندىعا كەلدى.

دەسەس دە ديماش پەن ونىڭ ادۆوكاتى جىگىتتەردەن جاۋاپ العان. سۇراق قويۋ بارىسىندا كەيبىر جاعدايلاردىڭ شىندىققا جاناسپايتىنىن انىقتادى.

“بىرىنشىدەن, “ياندەكس” كۋرەرلەر ەكى ادامنان جۇرمەيدى. ەكىنشىدەن, ولار تاۋاردى ءبىرىنشى پودەزدىڭ 9 پاتەرىندە شاتاستىرىپ العان. بىراق ولار مەنىڭ ۇيىمنىڭ كىرە بەرىس جاعىندا, مەن تۇرعان جەرگە كەلدى. لوگيكالىق تۇرعىدان, ەگەر ولار تاۋاردى ايىرباستايتىن بولسا, وندا عيماراتتىڭ ارعى جاعىندا, باسقا پودەزدە تۇراتىن ادامنىڭ مەكەن جايىنا بارۋ كەرەك ەدى. ۇشىنشىدەن, كۋرەرلەر ء“وتريۆيندى” شاتاستىرىپ, 9 پاتەرگە بۋرگەر بەرىپ جىبەرگەن. بۇل جەردە تاپسىرىس بەرۋشى تامشىنىڭ ورنىنا بۋرگەردى قالا قابىلداپ العان? البەتتە, ەكى تاۋاردى شاتاستىرۋ مۇمكىن ەمەس”, – دەپ جازدى ساياساتتانۋشى.

ونىڭ ايتۋىنشا, 9 پاتەردەگى تاپسىرىس بەرۋشى ەر ادام ەمەس, قىز بالا بولعان. “نەگە بۋرگەردى مەنەن سۇرادىڭ?” دەگەن سۇراققا جىگىتتەر “پاتەردەگى قىزدىڭ ارعى جاعىندا ساعان ۇقسايتىن جىگىت بار ەدى” دەپ جاۋاپ بەرگەن. ديماشتىڭ قولىندا ول كەزدە ەشتەڭە بولماعان.

“كۋرەرلەر” كولىكتەن شىعا سالا 2-پودەزدە تۇرعان ماعان بەتتەدى. بىراق تاپسىرىس بەرگەن ادام اۋلاعا كىرە بەرىستەگى 1-پودەزدەگى 9-پاتەردە تۇرادى. مەيلى, مەنەن تاپسىرىستى سۇراعىسى كەلدى دەلىك. بىراق ولار ەشتەڭە سۇراماستان مەنىڭ ارتقى جاعىمنان كەلدى. سول ساتتە مەن وزىمە قاۋىپ تونگەنىن سەزدىم. “نەگە ولاي ىستەدىڭ?” دەپ سۇراعاندا ولار ولاي جاساماعانىن ايتىپ, اقتالدى. قاۋىپتى سەزگەن ساتتە-اق پودەزدەن الىستاپ كەتتىم. بىراق ولار تاۋاردى اۋىستىرۋدىڭ ورنىنا مەنىڭ ارتىمنان ءجۇرىپ وتىردى. ءسويتىپ مەن كورشى ءۇي جاققا قاشىپ كەتتىم. ۇيگە جەتە بەرگەندە ءبىرى ماعان قولىن سوزىپ, “سەنسىڭ بە?” دەپ سۇرادى. قانداي كۋرەر سولاي ىستەيدى? ەكەۋى وزدەرى قالدىرىپ كەتكەن پاتەرگە بارماي, بەلگىسىز ادامنىڭ ارتىنان جۇگىرىپ, اۋىسىپ كەتكەن تاۋاردى الماستىرماق بولدى”, – دەيدى ديماش ءالجان.

ديماش تاعى ءبىر قىزىق جايت تۋرالى ايتتى. ول ادۆوكاتىمەن پوليتسياعا بارىپ, 20-30 مينۋتتاي ءوزارا سويلەسكەن. قىسقا اڭگىمەدەن سوڭ قابانباي باتىردىڭ بويىمەن ورتالىققا قاراي بەت العان.

“سول ماڭدا مەنىڭ ىسىممەن اينالىسىپ جۇرگەن پوليتسيا قىزمەتكەرىن كەزدەستىردىم. ول ءدامحانا نەمەسە دۇكەننىڭ جانىندا ەكى “كۋرەرمەن” ەنەرگەتيكالىق سۋسىن ءىشىپ, دوستارشا اڭگىمەلەسىپ وتىر”, – دەيدى ول.