Shyndyqqa janaspaıdy»: Saıasattanýshy Dımash Áljanǵa shabýyl jasamaq bolǵandarǵa qatysty tyń derek shyqty

Belgili saıasattanýshy Dımash Áljanov Almatydaǵy úıiniń kire berisinde eki belgisiz er adamnyń ózine shabýyl jasamaq bolǵanyn aıtty,-dep habarlaıdy Qandastar.kz

Oqıǵa 2 shilde kúni saǵat 03:00 shamasynda bolǵan.

Áljanov tún jarymda úıine kelgende aýladaǵy kólikten eki adamnyń shyqqanyn baıqaıdy. Olardyń biri “Bul sensiń be?” dep suraǵan. Dımash onyń bul saýalyna jaýap bermesten, úıine qashyp kirip ketken. Keıin polıııa shaqyrǵan.

“Búgin saǵat 03:00 shamasynda úıimniń kire berisinde eki belgisiz adam maǵan shabýyldamaq boldy. Kólikpen kelip, aýladan shyǵýyma tosqaýyl qoıdy. Qala ortalyǵyndaǵy aýlalardyń birine maǵan shabýyl jasaý úshin kelip, qashyp bara jatqan kezi eki beınebaqylaý kamerasyna túsip qalǵan. Aýladaǵy basqa kameralar istemeıtin bolyp shyqty”, – dep jazdy Dımash Áljanov óziniń Instagram-daǵy paraqshasynda.

Kúdiktilerdi polıııa izin sýytpaı tapty. Biri Túrkistan oblysynyń týmasy 21 jastaǵy Meıirbek Qudaıberdi. Ol polıııaǵa Túrkistannan Almatyǵa taksıst bolý úshin kelgenin, arasynda tapsyrystardy tasıtynyn aıtqan. Bir apta buryn ol «Forvard Indýstrı» JShS-nen kólik jaldap, 21 jastaǵy Baqdáýlet Seıitjanmen birge Almatyǵa jolǵa shyqqan. Ekeýiniń de buryn sottalmaǵyny anyqtaldy.

Tergeýshi olardyń “Iandekstiń” qarapaıym kýrer bolyp jumys isteıtinin, sol túni tapsyrysty shatastyryp, aýystyrýǵa kelgenin aıtty. Meıirbek Qudaıberdi kórshi úıge “otrıvın” tamshysyn ákelip, sálemdemelerdi shatastyryp alǵan. Sóıtip Baqdáýlet ekeýi taýardy qabyldap alatyn adamdy izdegen. Áljanovty kórgen Meıirbek «Sensiń be?» dep suraǵanda Dımash qashyp ketken.

Kozachkov Telegram-arnasynyń málimetinshe, polıııa jigitterdiń aıtqan nusqasyn rasady. Birinshiden, kórshilerdiń biri “otrıvın” tamshysyna tapsyrys bergen. Ekinshiden, taksı kompanııasy kólikti 13 myń teńgege jalǵa alǵanyn rastady. Úshinshiden, sol túni atalmysh kólik “Iandekspen” taýar jetkizgen. Sondyqtan polıııa jigitter sol túni Dımash Áljanovqa shabýyl jasaý deregi rastalmady degen qorytyndyǵa keldi.

Deses de Dımash pen onyń advokaty jigitterden jaýap alǵan. Suraq qoıý barysynda keıbir jaǵdaılardyń shyndyqqa janaspaıtynyn anyqtady.

“Birinshiden, “Iandeks” kýrerler eki adamnan júrmeıdi. Ekinshiden, olar taýardy birinshi podezdiń 9 páterinde shatastyryp alǵan. Biraq olar meniń úıimniń kire beris jaǵynda, men turǵan jerge keldi. Logıkalyq turǵydan, eger olar taýardy aıyrbastaıtyn bolsa, onda ǵımarattyń arǵy jaǵynda, basqa podezde turatyn adamnyń meken jaıyna barý kerek edi. Úshinshiden, kýrerler “otrıvındi” shatastyryp, 9 páterge býrger berip jibergen. Bul jerde tapsyrys berýshi tamshynyń ornyna býrgerdi qala qabyldap alǵan? Álbette, eki taýardy shatastyrý múmkin emes”, – dep jazdy saıasattanýshy.

Onyń aıtýynsha, 9 páterdegi tapsyrys berýshi er adam emes, qyz bala bolǵan. “Nege býrgerdi menen suradyń?” degen suraqqa jigitter “Páterdegi qyzdyń arǵy jaǵynda saǵan uqsaıtyn jigit bar edi” dep jaýap bergen. Dımashtyń qolynda ol kezde eshteńe bolmaǵan.

“Kýrerler” kólikten shyǵa sala 2-podezde túrǵan maǵan bettedi. Biraq tapsyrys bergen adam aýlaǵa kire beristegi 1-podezdegi 9-páterde turady. Meıli, menen tapsyrysty suraǵysy keldi delik. Biraq olar eshteńe suramastan meniń artqy jaǵymnan keldy. Sol sátte men ózime qaýip tóngenin sezdim. “Nege olaı istediń?” dep suraǵanda olar olaı jasamaǵanyn aıtyp, aqtaldy. Qaýipti sezgen sátte-aq podezden alystap kettim. Biraq olar taýardy aýystyrýdyń ornyna meniń artymnan júrip otyrdy. Sóıtip men kórshi úı jaqqa qashyp kettim. Úıge jete bergende biri maǵan qolyn sozyp, “Sensiń be?” dep surady. Qandaı kýrer solaı isteıdi? Ekeýi ózderi qaldyryp ketken páterge barmaı, belgisiz adamnyń artynan júgirip, aýysyp ketken taýardy almastyrmaq boldy”, – deıdi Dımash Áljan.

Dımash taǵy bir qyzyq jaıt týraly aıtty. Ol advokatymen polıııaǵa baryp, 20-30 mınýttaı ózara sóılesken. Qysqa áńgimeden soń Qabanbaı batyrdyń boıymen ortalyqqa qaraı bet alǵan.

“Sol mańda meniń isimmen aınalysyp júrgen polıııa qyzmetkerin kezdestirdim. Ol dámhana nemese dúkenniń janynda eki “kýrermen” energetıkalyq sýsyn iship, dostarsha áńgimelesip otyr”, – deıdi ol.