Shyńǵys Muqan Aqtaýdaǵy áýe apatyna qatysty pikir bildirdi

Foto: ashyq derekkóz

Eks-sheneýnik, jýrnalıst ári qoǵam belsendisi Shyńǵys Muqannyń paıymdaýynsha kez kelgen ushaq apaty kezdeısoq bolmaıdy, dep habarlaıdy qandastar.kz

Bul týraly ol áleýmettik jelidegi paraqshasynda jazba jarııalady.

Onyń jazýynsha, Grýzııa men Ázirbaıjannyń shekarasyndaǵy jemqorlyq sumdyq eken

«Áýe apaty kezdeısoq bolmaıdy. Esterińizde bolsa, qaıbir jyly Bakýden ushyp shyqqan bir ushaq qulady. Jambyldan eki jas boldy: ııa qyz ben jigit, ııa erli-zaıyptylar. Keıin olarǵa eskertkish qoıdy. Zertteı kele, ushaqqa shamadan tys júk artylǵan eken. Sol tragedııadan soń, Tblısıden Bakýge kólikpen, Bakýden Atyraýǵa (sol kezde sondaı reıs boldy) ushtym.

Grýzııa men Ázirbaıjannyń shekarasyndaǵy jemqorlyq sumdyq eken. Túnimen turdyq. Eń sońynda kúzetshige deıin para berip, shekaradan áreń óttik.

Joldaǵy polıııa da qasqyr eken. Joldyń bárine tuzaq quryp tastaǵan. Ustap alady da aqsha suraıdy. Sodan, áýejaıǵa áreń jettim. Bılet alyp úlgermegem. Ushaq jarty saǵattan soń ushady. Áýejaıǵa kirberiste «Mımıno» fılmindegi bas keıipker sııaqty kóringen eńseli kisi: «Dorogoı, kýda letısh?» dep qarsy aldy.

«V Atyraý» dep edim, bılet baǵasynan eki ese kóp aqsha aıtty. Bersem, ushaqqa salyp jiberem dep ýáde etti. Berdim.

Jarty saǵattyń ishinde bılet te, otyrǵyzatyn talon da aldyq, tekseris pen kedennen de óttik. Ushaqqa kirip kelsem, basqa jolaýshylar kózderi móleıip meni kútip otyr.

Bul 2010 jyl edi. Odan soń jaǵdaı ózgerdi dep úmit etemin. О́zgermese, avıaııa salasy barmaq basty, kóz qystyny keshirmeıdi.

Skotchpen jelimdep ushyp júre beretin Bek Air ne boldy sońynda? 5 jyl buryn dál osyndaı kezde Almatynyń túbinde qulady.

Scat qulady osydan 11 jyl buryn. Ushqyshtar demalys kórmeı, qyraǵylyǵyn joǵaltypty. Aıtpaqshy, ol da qysta qulady.

Sondyqtan, áýe apaty kezdeısoq bolmaıdy.

«Shveıarııa irimshigi teorııasy» (Swiss cheese model — Effekt shveıarskogo syra) degendi oqyp kórseńiz, meniń oıymdy túsinesiz», – dep jazdy Shyńǵys Muqan.